توي بيزنەس كىمدەردىڭ قالتاسىن قالىڭداتىپ ءجۇر؟

ءبىر كەلەر جازىن توي-دۋمانسىز وتكەرمەيتىن قازاق
بار تاپقان-تايانعانىن تويعا شاشىپ، ازار دا بەزەر بولادى-اۋ. تويدىڭ بولادىسىن جىر
قىلعان بۇگىنگى تويشىل قاۋىمنىڭ ءجون-جورالعىلارى مەن كادەلەرى دە زاماناۋي ستيلگە
يكەمدەلىپ كەلەدى. الماعايىپتار مەن زاماندار توعىسىنىڭ قاقتىعىسىنان تۋعان:
«ءداستۇرىڭ دە وزىعى بار توزىعى بار» دەيتىن مىنا ماتەل سالتىمىزدا ورىن العان
ولقىلىقتاردى اقتاپ تۇرعان سياقتى.

ەستىمەگەن ەلدە كوپ، كەيىنگى ۋاقىتتاردا الىپ
قاشقان قىز اكە-شەشەسىنە كەشىرىمگە كەلىپ، ارتىنشا «قىز ۇزاتۋ» جاساي بەرەتىن
بولعان. توي جاساۋ – وسىلايشا قيسىندى، قيسىنسىز پارىزعا اينالعان. يا بولماسا
ايتەۋىر ءبىر اقتارىلۋعا ءتيىستى ءىس. وسى سىندى بۇرالا تارتقان توي اۋرەلەسى
باسەكەلەستىككە بوي الدىرىپ، باردىڭ مالىن شاشىپ، جوقتىڭ بەرەكەتىن قاشىرىپ تۇرعان
جايى بار.

تورقالى تويلاردىڭ دا كۇن ساناپ جاڭعىرعان جاڭالىعى
مەن ۋاقىتىنا ساي ءسانى كەلىسىپ وتىرادى. مىسالى، جاس كەلىننىڭ بەتىن اشقان اسابا
«بەتاشاردا» تۇسكەن قاراجاتتى قاعىپ-سىلكىپ ءوزى الىپ جاتادى. وتكەننىڭ
توي-دومالاعىندا دا، ءسوز باستاۋشى بولمادى ەمەس، زامانىندا باعالى سانالعان قاسقىر
ىشىك، تۇلكى تىماق ارنايى بەت اشقان سەرى جىگىتتىڭ مويىنىنا ىلىنەتىن. قازىر
قالتاعا باسار كوك قاعازسىز، اسابانىڭ ارقاسىنا شاپان جاۋىپ قۇتىلا المايتىنىڭىز
انىق.

ورتا دەڭگەيدەگى ءسانى مەن سالتاناتى كەلىسكەن توي وتكەرۋ ءۇشىن ءبىرشاما
قاراجات كەتەدى. اسىرەسە، ەكى تىزگىن ءبىر شىلبىردى قولعا الىپ، باستان اياق تويدىڭ
ايناسىنا اينالاتىن اسابالار قاۋىمى توي بيزنەستىڭ بەلىن بۋىپ، كوزىن تاپقان.توي
يەسىنىڭ بار جيناعانىن وپىرىپ اكەتەتىندەردىڭ باستى تىزىمىندە اسابا تۇرادى دەسەك،
ەكىنشىسى،ءدۇيىم جۇرتقا دۇركىرەگەن توي جاساعاندا، ونىڭ اتىن اتاقتىلار كەلىپ
اسقاقتاتپاسا تاعى بولمايدى. انشىلەردىڭ قاۋىرت قىزعان جۇمىسى دا تويدىڭ تىرلىگىمەن
ساباقتاس. تويدا اق تەر كوك تەرگە تۇسەتىن انشىلەر دە، توي يەسىنىڭ ءبىرتالاي
قالتاسىن قاعادى. قالاي دەسەك تە، ءبىز سەكىلدى تويشىل قاۋىمنىڭ دۇركىرەپ توي
وتكىزبەسە، كوڭىلى كونشىمەيتىندىگى قانعا سىڭگەن قاسيەتكە اينالعالى قاشان.

قالاي بۇرا تارتساق تا، بۇگىنگىنىڭ اقيقاتى اينالىپ
كەلگەندە كوك قاعازعا كەلىپ تىرەلەتىندىگىمەن بارلىق ماسەلە شەشىمىن تابادى.
تويدىڭ زاڭدىلىعىندا دا بار بۇل ماسەلە. جىلىنا 200 توي بولسا، سونىڭ جارتىسى
«تەگىن توي» دەپ سانالاتىن انشىلەر مەن اسابالاردىڭ كورەر پايداسى قانشا كوك
قاعازدى قۇرايدى؟ توي بيزنەس كىمدەردىڭ قالتاسىن قالىنداتىپ ءجۇر؟ جاعدايىن جاقسارتۋ
ءۇشىن تويمەن اينالىسۋ ادەتكە اينالعان با؟ بۇل تۋراسىندا تويعا تىكەلەي قاتىسى بار
انشىلەر مەن اسابالاردىڭ ءوز اۋزىنان ەستىگەندى ءجون سانادىق.

ءانشى، ومىرقۇل اينيازوۆ:

8528b99871ea8940e73e87c63af76765.jpg

– وسى
جازدا دا توي وتە كوپ بولدى. ءوز باسىم باسقا قالالارعا كور بارا بەرمەيمىن. ال،
الماتى قالاسىندا كۇنىنە 4-5 تويعا كىرىپ، كوركىن قىزدىرۋعا تۋرا كەلەدى. شىندىعى
سول، كونتسەرت قويىپ اقشا تاپقاننان، تويعا بارىپ اقشا تاپقان جەڭىل ءارى ۇتىمدى.
قاراجاتى دا ەكەۋىمەن سالىستىرعانداي ەمەس. قالتامنىڭ قالىڭدىعى تويدان قانشالىقتى
قالىڭداعاندىعىن ايتپاي-اق قويايىن، دەسە دە، كوڭىلىمنەن شىعادى. نەگىزىندە
انشىلەرگە تويدىڭ سۇرانىسى جوعارى.

جازۋشى، اقىن، اسابا، بەيبىت سارىباي:

6005716416c03b59a57d1d66a143875b.jpg

– توي باسقاراتىنىم انىق.
تابىس كوزىم ەكەنى دە راس. بىراق باستى تابىس كوزىم دەپ ايتا الماس ەدىم. تويسىز دا
كۇن كورۋگە بولادى. جانە سول تويدىڭ وزىمەن-اق، باسقا جۇمىس ىستەمەي كۇن كورۋگە بولادى. وندا
نەگە جۇمىس ىستەيمىن. ويتكەنى، ءومىر بويى تامادا بولماسىمىز انىق.
سوندىقتان ادام قاتارىندا بولۋىم كەرەك. تامادا دەگەن ابىرويلى ات ەمەس. ماقتاناتىن كاسىپ
تە ەمەس. سوندىقتان جۇمىس جاسايمىن، ادامدىق ىستەرمەن اينالىسامىن. ال،
جاعداي جاساۋ دەگەنگە كەلسەك، بىلمەيمىن قانشالىقتى جاعداي جاساعانىمدى. سولقوڭىرتىرلىك. جۇرتتار قۇساپ بايىپ كەتكەن تۇگىمىز جوق.
جانە كوش سوڭىندا دا ەمەسپىز. شۇكىر!

ءانشى، نۇرلان ەسپانوۆ: 

c71c2627d66ca8bd3dbef2fc1aba62ea.jpg

– ءانشى ونەر ادامى عوي. ءبىز ءۇشىن
توي تابىس كوزى. باسقا باسقا ءبىزدىڭ ەلىمىزدە ديسك ساتىپ نە، كونتسەرت بەرىپ
مۇرتىڭدى مايلاي المايسىڭ. بىزدە دە وتباسى بار. دەسە دە،
شىعارماشىلىققا نەگىزگى ۋاقىتىمىزدى بولەمىز. وتباسىن اسىراۋ، بەينەبايان ءتۇسىرۋ،
الەۋمەتتىك جاعدايىڭدى قالىپقا كەلتىرۋ – تويدان كورەتىن تابىسىڭا تاۋەلدى بولىپ
وتىرعاندىعىن جاسىرمايمىن.

ەرجان جۇمابەك، اسابا:

– ءوزىم جوو-دا وقىتۋشىمىن. وعان قوسا، جۋرناليستىك سالانى دا
مەڭگەرگەنمىن. مەن ءۇشىن اسابالىق ەشقانداي دا، تابىس كوزى سانالمايدى. اۋزىمدى
نانعا جارىتىپ وتىرعان ءوز ماماندىعىم، قىزمەتىم. ال، توي باسقارۋدى حوببي رەتىندە
ۇستانامىن.

ۇقساس جاڭالىقتار

Back to top button