ЕКІ СУРЕТТІҢ ТАРИХЫ

Тоқсанға келген де, келмеген де бар. Қазақ әдебиетінің көзі тірі классигі, Қазақстанның Халық жазушысы Әбді-Жәмил Нұрпейіс әдетте мерейтойын өткізбейтінін ел біледі. Бұл жолы да абыз қарт дағдысынан жаңылған жоқ. Бірақ Елбасы бастаған қалың қазақ торқалы тойды бастап кетті… Ғибратты ғұмырында қазақтың талай марқасқасымен дәмдес, қызметтес болған ақсақалдың қазыналы қоржынында талай сырдың ағытылмай жатқаны анық. «Түркістан» газетінің атынан жазушыға сәлемдесе барып, сарқылмайтын сырлы әңгімесінің бір парасын тыңдап жазып алған едік.