Бішкекте қалыңдық ұрлауға қарсы флешмоб өтті

Бішкекте «Ала-Тоо» алаңында ЖОО студенттері қыз алып қашуға қарсы флешмоб өткізді. Қатысушылар бойжеткендерге қарсы зорлық-зомбылықты тоқтатуға шақырған транспаранттар ұстап тұрды. Акцияға шамамен 2 мың адам қатысқан. Қатысушылар флешмоб эстафетасын республиканың өзге облыстарына берді. 27 мамырда Шу облысы Жайыл ІІД бөлімшесінде 20 жастағы бойжеткен Бурулай Турдаалықызы өлтірілді. Оны алып қашқан жігіттерді ұстап, бәрін полиция бөлімшесіне алып келген кезде, өзіне қалыңдық еткісі келген жігіт пышақтаған. Жігіт өзіне де қол жұмсап өлмек болған. Қазір ол ауруханада жатыр. Бұл іс бойынша, 23 милиция қызметкеріне "Немқұрайдылық танытты" деп қылмыстық іс қозғады.