پۋتين اقش پەن ونىڭ وداقتاستارىنا قارسى سانكتسياعا قول قويدى

رەسەي پرەزيدەنتى ۆلاديمير پۋتين اقش جانە وزگە شەتەل مەملەكەتتەرىنىڭ سانكتسياسىنا جاۋاپ رەتىندە مامىر ايىندا فەدەراتسيا كەڭەسى قابىلداعان قارسى سانكتسياعا قول قويدى. دۇيسەنبى كۇنى قۇجات رەسمي تۇردە قۇقىقتىق اقپاراتتار پورتالىندا جارىق كوردى.

22 مامىردا زاڭ جوباسىن رەسەي مەملەكەتتىك دۋماسى ءۇشىنشى وقىلىمدا قابىلداعان. زاڭ جوباسىن تالقىلاۋ بارىسىندا تومەنگى پالاتا باستاپقى قۇجاتقا ايتارلىقتاي وزگەرىستەر ەنگىزدى. اتاپ ايتقاندا، قارسى سانكتسيانىڭ نىسانى بولىپ تابىلاتىن بەلگىلى ءبىر سالانىڭ، ساۋدا مەن قىزمەت كورسەتۋدىڭ ناقتى تىزىمدەرىن الىپ تاستادى. ونى انىقتاۋدى ۇكىمەتتىڭ ەنشىسىنە قالدىردى. سونىمەن بىرگە رەسەيگە كەلەتىن يمپورتتىق ءدارى-دارمەككە شەكتەۋ قويۋدى دا قابىلدامادى. بۇل جونىندە ناۋقاستارعا كومەكتەسەتىن كوممەرتسيالىق ەمەس ۇيىم وكىلدەرى وتىنگەن.

«اقش پەن وزگە شەتەل مەملەكەتتەرىنىڭ دوستىققا ساي ەمەس ارەكەتتەرىنە قارسى شارا قولدانۋ جونىندەگى» زاڭ جوباسى بيىل 13 ساۋىردە دۋماعا تۇسكەن. زاڭ جوباسى باستاپقىدا رەسەيگە كەلەتىن يمپورتتىڭ بارلىق تۇرلەرىنە، اتاپ ايتقاندا اۋىل شارۋاشىلىعى ونىمدەرى، شيكىزات، ءدارى-دارمەك، الكوگول، تەمەكىگە تىيىم سالۋدى كوزدەگەن.

ۇقساس جاڭالىقتار

Back to top button