پەتروپاۆلدا وتاندىق جارما وندىرەتىن العاشقى تسەح اشىلدى

پەتروپاۆلدا قاراقۇمىق پەن ءداندى داقىلدار وندىرەتىن العاشقى تسەح اشىلدى، دەپ حابارلايدى قازاقپارات ءتىلشىسى.

«دامۋ» قورى» اق وڭىرلىك فيليالىنىڭ ءباسپاسوز قىزمەتى ءمالىم ەتكەندەي، «راحاتوپت» جشس وسى جوبانى جۇزەگە اسىرۋ ءۇشىن «بيزنەستىڭ جول كارتاسى 2020» مەملەكەتتىك باعدارلاماسىن قولدانعان.

بىلتىر كومپانيا قوردىڭ كەپىلىمەن 130 ملن تەڭگە الدى. بۇل قارجىعا «وليس» ۋكرايندىق كومپانياسىنىڭ ازىق-ت ۇلىك جارماسىن وندىرەتىن جابدىقتاردى ساتىپ العان.

وندىرىستىك جەلى جارتىلاي ىسكە قوسىلدى. كومپانيا شيكىزاتتى جەرگىلىكتى شارۋا قوجالىقتارىنان ساتىپ الۋدا.

«ءبىزدىڭ ۇن تارتاتىن ءوندىرىسىمىز جانە جارما ساتۋدان تاجىريبەمىز بار. نارىقتى زەرتتەپ، ءونىمنىڭ سۇرانىسى جوعارى ءتۇرىن تاڭدادىق. وندىرىستىك عيمارات پەن استىقتاردى تازالايتىن جابدىقتار ساتىپ الدىق. بۇگىندە قاراقۇمىق، ارپا جارماسى، تارى، بيداي جارماسىن دايىنداپ جاتىرمىز. تۇتىنۋشىلار ءۇشىن جارما باعاسى ارزان بولادى»، – دەدى كومپانيا باسشىسى اكيف ۆەليەۆ.

«راحاتوپت» جشس ءبىر ايدا 40 توننا دايىن ءونىم ءوندىرۋدى جوسپارلاپ وتىر. بيىل كومپانيا قازاقستاننىڭ بىرنەشە قالاسىنان ءوز فيليالدارىن اشپاق.

 

ۇقساس جاڭالىقتار

Back to top button