LG Group توراعاسى قايتىس بولدى

LG Group توراعاسى كۋ بون-مۋ (Koo Bon-moo) وڭتۇستىك كورەيادا 74 جاسقا قاراعان شاعىندا كوز جۇمدى، دەپ حابارلايدى Baq.kz اقپارات اگەنتتىگى Lenta.ru پورتالىنا سىلتەمە جاساپ.

ول 17 مامىر كۇنى سەۋلدە اۋرۋحاناعا جاتقىزىلعان بولاتىن. جىل باسىنان بەرى توراعانىڭ ميىنا بىرنەشە رەت وتا جاسالىپ، كۇن سايىن ونىڭ جاعدايى ناشارلاي تۇسكەن. سوڭىندا، ول ەم قابىلداۋدان باس تارتىپ، سوڭعى كۇندەرىن وتباسىنىڭ ورتاسىندا وتكىزدى.

كۋ بون مۋ اكەسى كۋ دجاگەننان كەيىن ديرەكتورلار كەڭەسىنىڭ توراعاسى قىزمەتىنە تاعايىندالىپ، كورپوراتسيانى 1995 جىلدان بەرى باسقارىپ كەلدى. ونىڭ ارتىندا ايەلى، ەكى قىزى جانە اسىراپ العان ۇلى كۋ كۆان-مۋ قالدى. الداعى ۋاقىتتا ءدال وسى كۋ كۆان-مۋ كومپانيانى باسقارادى دەگەن بولجام بار.

كورپوراتسيا باسشىسىنىڭ سوڭعى تىلەگىن ورىنداعان ونىڭ وتباسى جەرلەۋ راسىمدەرىن ءسان-سالتاناتتى ەتىپ وتكىزۋدەن باس تارتىپ، گۇلدەر جانە كوڭىل ايتقىسى كەلگەندەردى قابىلدامايتىنىن مالىمدەدى.

ۇقساس جاڭالىقتار

Back to top button