__МаңыздыЖаңалықтарҚоғам

Елімізде тұңғыш рет хоккейден әлем чемпионаты өтеді

Қазақстанда тұңғыш рет хоккейден әлем чемпионаты өтеді, деп хабарлайды ҚазАқпарат тілшісі.

Қазақстан тарихта алғаш рет хоккейден ерлер командалары арасындағы әлем чемпионатының А дивизионын қабылдайды. Бұл туралы Қазақстан хоккей федерациясының ресми сайты жазды.  Кеше, яғни 17 мамыр күні Халықаралық хоккей федерациясы Конгресінің (IIHF)  жыл сайынғы съезі басталған болатын. Онда хоккейден ерлер командалары арасындағы әлем чемпионатының А дивизионын өткізу мәртебесі Қазақстан мен Словенияның Хоккей федерацияларына ұсынылды. Бүгін, 18 мамырда IIHF Конгресіне қатысушы елдер дауыс беріп, нәтижесінде Қазақстан жарысты өткізу мәртебесіне ие болды. Енді, аталған дода Астанадағы «Барыс Аренада» өтетін болады. Айта кетейік, әлем чемпионаты 2019 жылы 29 сәуір мен 5 мамыр аралығында өтетіні жоспарланған.

Back to top button