Өзбек кәсіпкері АҚШ санкцияларын жоюға күш салады

Өзбек кәсіпкері АҚШ санкцияларын жоюға күш салады

Өзбек кәсіпкері АҚШ санкцияларын жоюға күш салады
ашық дереккөзі
Өзбекстандағы танымал кәсіпкер, Халықаралық әуесқой бокс қауымдастығының (AIBA)  президенті қызметін атқарушы Гафур Рахимов өзінің Вашингон мен Лондондағы адвокаттарына АҚШ-тың қаржы мекемесінің (OFAC) «қара тізімінен» өз есімін алып тастау үшін петиция өткізуді тапсырды. Бұл туралы Халықаралық әуесқой бокс қауымдастығының (AIBA) сайтында жарияланған мәлімдемеде айтылған. Рахимов апелляция түсіруді америкалық Ferrari & Associates адвокаттық фирмаға, сонымен бірге лондондық Carter-Ruck заң кеңсесіне сеніп тапсырған. 2012 жылы АҚШ-тың қаржы министрлігі Рахимовқа санкция салып, оны «өзбектің ұйымдасқан қылмыстық тобының жетекшілерінің бірі» деп атаған. Кәсіпкер Өзбекстаннан 2010 жылы кетті, қазір Дубайда тұрады. Еске салайық, өткен жылы 21 желтоқсанда АҚШ-тың қаржы министрлігі «Магнитский заңы» аясында 13 адамға және 39 ұйымға санкция жариялады. «Қара тізімде» Рахимов та бар.