« ۇلى دالا ەلىنىڭ جاۋھارلارى»

كيەلى اۋليەاتا جەرىندە ەلىمىزدىڭ باس قالاسى استانانىڭ 20 جىلدىعىنا ارنالعان « ۇلى دالا ەلىنىڭ جاۋھارلارى» اتتى كورمە ۇيىمداستىرىلدى.

ءۇش بولىمنەن تۇراتىن كورمەدە 50-گە جۋىق قۇندى جادىگەرلەر قويىلعان. ولاردىڭ اراسىندا قوجا احمەت ياساۋيدەن قالعان باعا جەتپەس قولجازبالار مەن ونىڭ شاكىرتتەرىنىڭ كىتاپتارى بار. سونىمەن بىرگە، كورمە قوناقتارى اراب تىلىندە جازىلعان تاريح، گەوگرافيا تۋرالى وقۋلىقتار مەن شەجىرەلەر داستانىن دا تاماشالاي الادى. ودان بولەك قاسيەتتى تۇركىستان شاھارىنىڭ ورتا عاسىردان باستاپ ءبىلىم مەن عىلىم جانە ونەر ورداسى بولعاندىعىن دالەلدەيتىن عىلىمي كىتاپتار مەن فوتوسۋرەتتەر دە ورنالاستىرىلدى. باس قالانىڭ مەرەيتويىنا ارنايى ۇيىمداستىرىلعان كورمەنىڭ باستى جادىگەرى – قوجا احمەت ءياساۋيدىڭ «ديۋاني حيكمەت» تۋىندىسىنىڭ تۇپنۇسقاسى. كورمەگە باس سۇققان تارازدىقتار ەڭبەكتىڭ تۇپنۇسقاسىن وسى جەردەن تاماشالاي الادى. ۇيىمداستىرۋشىلاردىڭ ايتۋىنشا، اتالمىش كورمە ارقىلى جامبىل جۇرتشىلىعى تاريحپەن تانىسۋعا مۇمكىندىك الادى. كورمە جۇمىسى 16 مامىرعا دەيىن جالعاسپاق.

ايتا كەتەيىك، قازىرگى ۋاقىتتا تاراز قالاسىنداعى «ەجەلگى تاراز ەسكەرتكىشتەرى» قورىق-مۋزەيىندە «رۋحاني جاڭعىرۋ» باعدارلاماسىنىڭ نەگىزىندە مۋزەيلەر اراسىندا ىنتىماقتاستىقتى نىعايتۋعا باعىتتالعان شارالار كوپتەپ ۇيىمداستىرىلۋدا. ماسەلەن، 4 مامىر كۇنى مۇندا وتىراردان كەلگەن قۇندى جادىگەرلەردىڭ كورمەسى وتەدى. ال 16 مامىر كۇنى تۇركىستان قالاسىنداعى تاريحي-مادەني ەتنوگرافيالىق ورتالىقتان اكەلىنگەن قۇندى جادىگەرلەر جامبىلدىقتار نازارىنا ۇسىنىلادى.

ۇقساس جاڭالىقتار

Back to top button