رامازان ايىنداعى ورازا جانە ناماز كەستەسى جاريالاندى

بيىل كۇللى مۇسىلمان ءۇشىن قاسيەتتى سانالاتىن رامازان ايى 16 مامىردا  باستالادى. بۇل ايدا بارشا جاماعات ورازا ۇستاپ، وتىز كۇن بويىنا اۋىز بەكىتۋى ءتيىس.

ون ەكى ايدىڭ سۇلتانى سانالاتىن رامازاندا ادامزاتقا قۇران كارىم تۇسىرىلگەن. سوندىقتان بۇل كۇندەرى جاراتۋشىعا قۇلشىلىق ەتىپ، جەتىم-جەسىرلەرگە جەبەۋ كورسەتۋ – ساۋاپ بولماق. وسىعان وراي بۇگىن باس ءمۇفتي قازاقستاندىقتارعا ارناپ ۇندەۋ جاريالادى.

وندا «قاسيەتتى ايدىڭ قۇرمەتىنە وراي، توي-تومالاق پەن ساۋىق-كەشتەردە اراق-شاراپ ىشىلمەسە» دەلىنگەن. سونداي-اق، ءدىني باسقارما وكىلدەرى «ازىق-ت ۇلىك باعالارىن تومەندەتىپ، حالىققا قىزمەت كورسەتۋ سالاسىندا جەڭىلدىكتەر جاسالسا» دەگەن تىلەكتەرىن جەتكىزدى. بىراق بۇل ساۋاپتى ىسكە ەشكىمدى كۇشتەپ يتەرمەلەۋگە بولمايتىنىن ەسكەرتتى.

«بۇگىن مىنە ورازا ايىنا دا جەتتىك. ورازا ون ەكى ايدىڭ سۇلتانى. ورازا ايىمەن بارلىق قازاقستان جۇرتىن قۇتتىقتايمىن. ۇستاعان ورازالارىڭىز، قىلعان دۇعالارىڭىز، جاساعان يگى ىستەرىڭىز قابىل بولىپ، ەلىمىز امان، جۇرتىمىز تىنىش بولسىن»، – دەدى باس ءمۇفتي.

ايتا وتەيىك، بەس پارىزدىڭ ءبىرى ورازادا جارلى-جاقىبايلارعا جاردەم كورسەتىپ، ساداقا بەرگەن ابزال. بيىل ءپىتىردىڭ مولشەرى 300 تەڭگە بولىپ بەكىتىلدى. ال ماۋسىمنىڭ 10-ىنان 11-ىنە قاراعان ءتۇن ‒ قادىر ءتۇنى.

نازارلارىڭىزعا قازاقستان مۇسىلماندارى ءدىني باسقارماسى جاريالاعان رامازان ايىنداعى ورازا جانە ناماز ۋاقىتتارىنىڭ كەستەسىن ۇسىنامىز. وزگە وڭىرلەرگە ارنالعان كەستەنى muftyat.kz سايتىنان جۇكتەۋگە بولادى.

رامازان ايىنداعى ورازا جانە ناماز كەستەسى جاريالاندى

رامازان ايىنداعى ورازا جانە ناماز كەستەسى جاريالاندى

ۇقساس جاڭالىقتار

Back to top button