16 жасқа толмағандарға WhatsApp қолдануға тыйым салынады

Еуропаның 16 жасқа толмаған тұрғындарына WhatsApp қолдануға тыйым салынады. Бұдан былай WhatsApp мессенджерін Еуропада қолдану үшін адам жасына байланысты шектеулер болады. Енді сервис 16 жасқа толмағандар үшін қызмет етпейтін болады, деп хабарлайды Baq.kz ақпарат агенттігі ria.ru сайтына сілтеме жасап.

«Келесі айда Еурокеңес құпиялылыққа қатысты заңға өзгеріс енгізеді. Егер сіз еуропалық аумақта өмір сүретін болсаңыз, біздің сервисті қолдану үшін 16 жасқа толу керексіз», – делінген хабарламада.

Мессенджер әкімшілігі мұны қалай іске асыратыны белгісіз. Басқа мемлекеттерде тұратын мессенджер қолданушылары тұрып жатқан елдің заңнамаларына қайшы келмесе, 13 жасқа толғаннан кейін қолдана беруге құқылы.

Мамыр айының аяғынан бастап 16 жасқа толмаған балалар бұл мессенджерге тіркелу үшін ата-анасы немесе қамқоршылыққа алған адамнан рұқсат алуы керек болады.

Back to top button