Головкиннің 5 мамырда кіммен жұдырықтасатыны белгілі болды

Головкиннің 5 мамырда кіммен жұдырықтасатыны белгілі болды

5 мамырда Лас-Вегаста өтетін жекпе-жекте Геннадий Головкинмен жұдырықтасуы мүмкін боксшының кім екені белгілі болды, деп хабарлайды Sports.kz.  The Ring журналы дереккөзінің хабарлауынша, Головкиннің қарсыласы болуы мүмкін басты үміткер 33 жастағы ирландтық боксшы Гэри "Спайк" О Салливан (27-2, 19 KO) болып отыр. Бұл боксшы орта салмақтағы WBA-NABA және WBO Intercontinental екінші дәрежедегі титулдарына ие. Головкин келесі жекпе-жекті T-Mobile Arena-да емес, MGM Grand кешенінің алаңында өткізуі мүмкін. Десек те, жекпе-жек HBO PPV-ның ақылы жүйесінде көрсетіледі.