Jañalıqtar

QAJILIQTA – QAZAQTAR

Qazaqstan mwsılmandarı dini basqarmasınıñ baspasöz hatşısı Ağabek QONARBAYWLI Mekkeden habarlaydı:

Mekke… Payğambarlar jürgen mübärak meken. Moyınswnğan mwsılmandı fäni men baqi dünieniñ baqıtına böleytin qasietti Qwrannıñ ayatı ayan bolğan berekeli de beybit qala. Qasietti Qağba… Külli mwsılman jüzin bwrıp, säjdege bas qoyatın Allanıñ üyi. Tınımsız täuap etiletin, payğambarlardıñ atası – Ibrahimniñ (ğ.s.) izi qalğan izgilik bastauı. Qağbağa qarap ta sauap jiyasıñ. Bäri izgi nietke baylanıstı. Qajılıq… Adamğa wl, Qwdayğa qwl bolğan barşa mwsılmannıñ armanına aynalğan qwlşılıq. Mümkindigi bolğan pendege parız amal. Közben körip, jürekpen sezbey, köp sözben jetkizu äste mümkin emes.

Jüzi basqa jüregi bir, türi basqa tilegi bir älem mwsılmandarı wlıq saparmen Mekkege jinaldı. Bay men bağlannıñ, patşa men paqırdıñ, ministr men müsäpirdiñ basın qosqan qajılıq bastaldı. Bäri Täñirdiñ aldında teñ. Eki qwlaş matağa oranğan otandastarımız da osında. Beyresmi derekterge qarağanda, biıl parızın öteuşiler sanı 5 millionnan asadı. Sol 5 millionnan astam adamnıñ 5500-i elimizden barğandar. Olarğa otandıq 20 turistik kompaniya qızmet etude. Jıl sayınğı dästürge say, Qazaqstan mwsılmandarı dini basqarmasınıñ törağası, Bas müfti, şeyh Äbsattar qajı Derbisäli hazrettiñ tapsırmasımen qajılıq missiyasınıñ qwramı jasaqtalıp, biıl da ülken jauapkerşilikpen igi iske kiristi. Qajılarğa qızmet körsetu jwmısın jetildiru äri oñtaylandıru maqsatında qajılıq kompaniya basşıları da osı jılı missiyağa müşelikke endi. Elimizdiñ Sırtqı ister ministrligi de Dinbasınıñ wsınısın qabıl alıp, bilikti tört däriger böldi. Aq halattı abzal jandar qajılarımızdıñ densaulığına jiti köñil bölip, qajetti däri-därmektermen qamtamasız etude.

Qazaqstan mwsılmandarı dini basqarmasınıñ Apparat basşısı Balğabek Mırzaev missiya müşeleriniñ keñeytilgen mäjilisin ötkizdi. Arnayı jwmıs tobınıñ kezekti jiınına QMDB qajılıq böliminiñ meñgeruşisi, täjiribeli maman Qanat Bekjanov, uağız-nasihat tobınıñ imamdarı, osı toptıñ jetekşisi, dini basqarmanıñ uağız-nasihat böliminiñ bas mamanı Altınbek Wtıshan, bilikti därigerler, qajılıq kompaniya direktorları, jurnalis­ter qatıstı. Basqosuda är sala boyınşa jüktelgen mindetterdiñ orındaluın qadağalau, nasihat tobınıñ jwmısın jetildiru, uağız taqırıbın pısıqtau, qajılarğa der kezinde em-dom körsetu, olardıñ saulığın jiti qadağalau, qajılıq erejelerimen tanıstıru, kündelikti as-auqatpen qamtamasız etu t.b. mäseleler talqılanıp, tiisti tapsırmalar berildi.

«Dinge, halıqqa qızmet etu – Alla aldındağı abıroylı is. Odan asqan baqıt joq. Sauap sabırlıqpen, ıjdahattılıqpen, ıqılaspen keledi. Sondıqtan keybir ülkendi-kişili qiınşılıqtar kezdesip jatsa, oğan tözimdilik tanıtumız tiis. Qwrmetti äriptester! Qajılardıñ qajetinde bolu – bärimizge ortaq is. Alla aldındağı pendelik parızımızdı abıroymen atqarıp, Dinbası tapsırmasın tıñğılıqtı, jauapkerşilikpen orındap, ortaq isti jwmıla jüzege asıruğa atsalısayıq», – dedi Balğabek Mırzaev.

Qazaqstan mwsılmandarı dini basqarması biıl da är qajılıq kompaniyağa uağız-nasihat jwmıstarın jüyeli jürgizu maqsatında imamdar böldi. Qajılıq missiyası qaramağındağı 100-ge juıq imam-moldalar jerlesterimizdiñ özge dini ağım ökilderiniñ jeteginde ketpeuin qadağalap, nasihat jwmıstarın jürgizude. Missiya müşeleri imamdardıñ uağızına qatısıp, jwmısın qadağalap, olarğa tiisti nwsqaular berude.

QMDB Apparat basşısı B.Äbdi­qayımwlı, qajılıq böliminiñ meñgeruşisi Qanat Bekjanov, uağız-nasihat tobınıñ jetekşisi Altınbek Wtıshandar missiya müşelerin tolğandırğan saualdarğa jauap qattı. Qajılıq kompaniyalarınıñ jetekşileri, täjiribeli därigerler missiya jwmısın odan sayın jetildire tüsuge qatıstı wsınıs-pikirlerimen bölisti.

Qasietti jerge barıp, qajılıq parızın öteuşi otandastarımız elimizdiñ birligi men ıntımağın tilep, eki dünieniñ baqıtın jalbarına swrauda. Biz de öz tarapımızdan sauabı mol osınau ğibadattarıñızdıñ qabıl boluına tilektespiz. Payğambarımız (s.ğ.s.): «Umra umrağa deyingi aralıqtağı (kişi) künälardı şayadı, al haj mabrurdıñ (şınayı qajılıqtıñ) sıylığı – tek jännat», – degen. Alla tağala barşamızdı qwlşılığı, qajılığı qayırımen qabıl bolğan qwldarınan etip, qos düniede quanışımızdı arttırıp, jüzderimizdi jarıq etkey.

Ayta keterlik jayt, elimizden jıl sayın qajılıqqa baruşı jerlester sanı artıp keledi. Mısalı, bıltır parızın öteuşiler qatarı 4 mıñ bolsa, biılğı körsetkiş – 5500. Olardıñ deni – qazaqtar. «Qajılıqta – qazaqtar». Taqırıptı tañdaudıñ mäni osı edi.

Back to top button