"جەلتوقسان" اقيقاتى ايتىلا ما؟

وسى اپتانىڭ باسىندا الماتىدا "جەلتوقسان اقيقاتى" قوعامدىق ۇيىمىنىڭ قۇرىلتاي جينالىسى بولدى. جينالىسقا رەسپۋبليكانىڭ ءار تۇكپiرiنەن 100-گە جۋىق ادام كەلدi.

جالپى قازاقستاندا "جەلتوقسان كوتەرiلiسiنە" قاتىستى قوعامدىق ۇيىمداردىڭ سانى جەتكiلiكتi. بiزدiڭ بiلەتiنiمiز، "جەلتوقسان"، "جەلتوقسان قىراندارى"، "جەلتوقسان جاڭعىرىعى"، ت.ت. الايدا، بۇل ۇيىمداردىڭ باسىنداعى ەڭ ۇلكەن كەمشiلiك – ءوزارا بايلانىس پەن قارىم-قاتىناستىڭ، ىنتىماقتىڭ جوقتىعى. قۇرىلتاي جينالىسىندا ءسوز العان شەشەندەردiڭ قاي-قايسىسى دا "جەلتوقسان اقيقاتى" قوعامدىق ۇيىمىنىڭ وسى قوعامدىق ۇيىمداردىڭ كەبiن كيiپ، ورتا جولدا اياڭداپ قالماۋىنا تiلەكتەستiك بiلدiرiپ جاتتى. سونداي-اق، جەلتوقساندىقتار ايتۋلى "جەلتوقسان كوتەرiلiسiنە" 22 جىل تولسا دا، ونىڭ اقيقاتىنىڭ ءالi تولىق اشىلماي وتىرعاندىعىن تiلگە تيەك ەتتi. مەملەكەت، بيلiك قىلىشىنان قان تامعان كسرو-نىڭ ىدىراۋىنا بiردەن-بiر جول سالعان بۇل وقيعانىڭ كومەسكiلەنۋiنە، ۇلت زەردەسiنەن وشiرiلۋiنە جۇمىس جاساپ كەلدi. سول سەبەپتi دە، قانتوگiس بولعان رەسپۋبليكا الاڭى بۇگiندە ويىن-ساۋىق ورتالىعىنا اينالماق، ال "جەلتوقسان وقيعاسىنىڭ" 20 جىلدىعىنا وراي تۇرعىزىلعان ەسكەرتكiشتiڭ ساياسي ءمانiنiڭ تىم سولعىندىعى كوزگە ۇرىپ تۇر. دەمەك، بۇگiنگi ساياسي بيلiك كەشەگi كۇننiڭ جاڭعىرىعىنان قورقادى. سول سەبەپتi دە "جەلتوقسان" اقيقاتىن اشۋعا تالاپتانعان م. شاحانوۆ باستاعان مەملەكەتتiك كوميسسيا ءوز جۇمىسىن ەرiكسiز توقتاتتى. توقتاتۋعا ءماجبۇر بولعاننان كەيiن. "جەلتوقسان اقيقاتى" قوعامدىق ۇيىمىنا قاتىسۋشىلار وسى كوميسسيانىڭ جۇمىسىن جاڭعىرتۋعا ات- سالىساتىندىقتارىن ايتتى. ەگەر، ونى جاڭعىرتۋ مۇمكiن بولماسا، وزگەشە ارەكەتتەر ارقىلى ايتەۋiر شىندىقتى جاڭعىرتۋعا تالپىنىس جاسالۋى كەرەك.

جينالعانداردىڭ بارلىعى تاعى دا قوردالانىپ قالعان قازاق ماسەلەسiن ءسوز ەتتi. بۇگiنگi رۋحىمىزدىڭ كۇن سايىن تاپتالىپ بارا جاتقاندىعى تiلگە تيەك ەتiلدi. العاشقىلاردىڭ بiرi بولىپ ءسوز العان جازۋشى سوۆەتحان عابباسوۆ قازiرگi كۇيiمiزدi اقتابان شۇبىرىندى زامانىنان دا تومەن دەپ كۇيiندi. "ويتكەنi، – دەيدi جازۋشى، – ول كەزدە جەرiمiزدi الدەكiمدەر ساتىپ الماعان ەدi، تiلiمiز بوساعادان سىعالاماعان بولاتىن. قازiر ءبارi كەرiسiنشە. بiر مەملەكەتتە 130 مادەنيەت بولۋى مۇمكiن ەمەس. ۋنيتارلى ەل – بiر تiلدi، بiر مادەنيەتتi بولۋى تيiس"، دەگەن ول ۇلت-پاتريوتتارى ۇيىمدارىنىڭ ءوزارا ىنتىماقتاستىعىنىڭ جوقتىعىنا نالي وتىرىپ، جاڭا قۇرىلعان ۇيىمدى بiرلiككە شاقىردى. بiرلiك ماسەلەسiن بارلىق سويلەۋشiلەر ءسوز ەتiستi. بەلگiلi قوعام قايراتكەرi امالبەك تشان: "22 جىل بويىنا جەكە-جەكە ۇيىم قۇرىپ، ءوز الدارىنا شاڭىراق تiگiپ جۇرگەندەرiڭiز ۇلكەن ساۋال تۋدىرادى. مۇنىڭ ءوزi قۇلدىق ساناعا بەت العانىمىزدىڭ بەلگiسi ەمەس پە؟ قوعامدىق ۇيىم مەن پارتيا كوپ. بiراق، ناتيجە جوق. نەگە؟ ويتكەنi، ىنتىماق جوق" دەدi.

ءيا، اسiرەسە، 2005 جىلعى پرەزيدەنت سايلاۋىنان باستاپ، جاڭاشا سيپات الۋعا باعىت العان ۇلت-پاتريوتتارى قوزعالىسىنىڭ جۇمىسى بiزدiڭ كوز الدىمىزدا. پاتريوتتاردىڭ كوبi كەۋدەسiن سوعىپ، ءوزiنiڭ ۇلتقا سiڭiرگەن ەڭبەگiن بۇلداپ، الەك-شالەگi شىعادى دا جاتادى. الايدا، بيلiكتەن نەنi تالاپ ەتۋدi، قانداي ناقتى iستەر اتقارۋ قاجەتتiگiن كوبi بiلە دە بەرمەيدi. سونىڭ سالدارىنان ۇلت ۇيىمدارىنىڭ بۇگiندە ەل اراسىندا بەدەلi دە جوق.

"جەلتوقسان كوتەرiلiسiنەن" بەرگi 22 جىل بويىنا مۇگەدەك بالاسىن باعىپ وتىرعان انانىڭ جانايقايىن ەستiگەندە تۇلا بويىمىز تۇرشiكتi. الايدا، وعان قۇلاق اساتىن كiم بار؟

ەسەنگۇل كاپقىزى

ۇقساس جاڭالىقتار

Back to top button