ЖЕЛТОҚСАН ЭПОПЕЯСЫ
ЖЕЛТОҚСАН ЭПОПЕЯСЫ
Мұхтар Шахановтың «Желтоқсан эпопеясы» кітабының негізінде «Желтоқсанның асықпаған ақиқаты немесе бес комиссия мүддесі» атты деректі фильм жарық көрді. 1986 жылғы Алматы қаласында болған Желтоқсан оқиғасының жұрт біле бермейтін, өз кезінде айтылмай қалған жұмбаққа толы сырларын бүкпесіз аша білген бұл деректі фильм маңызы мен мазмұны жағынан тарихымыздың қатпарлы беттерін ашу жолына қосылған сүбелі үлес деуге әбден болады.
Қазақ халқының 300 жыл бойына қалай ұлтсыздандырылғаны, халықты қолдан жасалған ашаршылық арқылы қыру, қазақ әліпбиінің он жылдың ішінде 2 рет өзгертілуі, соның арқасында ұлтты өзінің негізгі ата тарихынан ажырату секілді тарихымызда болған, бұған дейін айтылмаған зобалаң жағдайларды ашуда да фильмнің жұртқа берері мол. Алаңға бейбіт түрде өздерінің ойын білдіруге жиналған қазақ жастарын негізсіз, себепсіз қорлаған және оларды тарату, жазалау үшін мейірім атауынан жұрдай, кілең жетім балалардан жасақталған топтың «Метель» операциясының қалай, қайтіп жүзеге асырылғаны туралы тың деректер бар. DVD форматта шығарылған фильмнің сапасы заманауи талаптарға толығымен жауап беретін үлгіде. Сатылымға түскен «Желтоқсан эпопеясы» деректі роман мен кітап негізінде түсірілген «Желтоқсанның асықпаған ақиқаты немесе бес комиссия мүддесі» атты деректі фильм дискісін сатып аламын деушілер үшін 8702-909-93-99 ұялы номері қызмет етеді. «Түркiстан-ақпарат»