ПАРТИЯ ҚАТАРЫ ТОЛЫСЫП КЕЛЕДI
ПАРТИЯ ҚАТАРЫ ТОЛЫСЫП КЕЛЕДI
“Нұр Отан” ХДП партиясының кезектен тыс ХII съезiнiң күн тәртiбi бүгiн бекiтiледi. Әрi бүгiн партияның Орталық аппаратында басқарушы партия Саяси кеңесiнiң кеңейтiлген жиыны өтедi. Жиында съездiң жұмыс органдары: мандаттық, есептiк және редакциялық комиссия мен хатшылықтың құрамы нақтыланатын болады.
Осыған орай, Астанада брифинг өттi. Брифингке келген партияның ресми өкiлi Оксана Петерс съезд қарсаңында партия мүшелерiнiң қатары толыққанын жеткiздi. Оксана Петерс: “Партия депутаттары ХII съезд қарсаңында тағы бiр мәрте бас қосып, партияның Халықтық тұғырнамасының жүзеге асырылуы барысын, алдын-ала жұмыс нәтижелерiн, сонымен қатар Халықтық тұғырнаманың әлемдiк экономикалық дағдарыс жағдайында одан ары жүзеге асыру жағдайларын талқылайтынын” айтты.
Партияның Халықтық тұғырнамасының 80 пайыз ережесi Орталық атқарушы органның 2009-2011 жылдарға арналған стратегиялық жоспарына енгiзiлгенiн де айта кеттi ресми өкiл. Сондай-ақ, қорытынды құжат ретiнде форумға қатысушылардың Қазақстан Республикасы азаматтарына үндеу жолдайтынын да айта кеттi.
Едiге БЕКТАС