YКIМЕТ ҰСЫНДЫ, ДЕПУТАТТАР ТҮСIНДI

YКIМЕТ ҰСЫНДЫ, ДЕПУТАТТАР ТҮСIНДI

Сейсенбi күнi, Үкiмет “Қазақстан Республикасындағы мерекелер туралы” қолданыстағы Заңға өзгерiс енгiзудi көздейтiн заң жобасы әзiрлеп, Мәжiлiстiң қарауына бердi. Заң жобасында мемлекеттiк мереке Наурыз мейрамын қазiргi қолданыстағы 22-наурыз — бiр күннiң орнына 21-23-наурыз үш күн бойы мерекелеу ұсынылып отыр.

Қазақстан Президентi Нұрсұлтан Назарбаев 2008 жылғы мамырдың 29-ындағы сөзiнде Наурыз мейрамын жаңа тұрғыда мерекелеу қажеттiгiн айтқаны баршаға мәлiм.

Қазақтар мен олардың ата-бабалары — түркiлердiң ежелгi пайымдаулары бойынша әр жыл алты ай жазға және алты ай қысқа бөлiнген. Осы бөлiнiсiнiң шегi көктемгi күн мен түннiң теңелу күнi — Жаңа жыл – Наурыздың бiрiншi күнi болып табылады.

Бұл мейрам қазiргi заманғы дiндер мен ұлттар болмай тұрған ежелгi уақытта пайда болған. Ұлы ақын және ғалым Омар Хайям (оның толық есiмi — Гияс ад-Дин Мәлiк Әбу әл-Фатх Омар ибн Ибраһим Хайям) ХI ғасырда сұлтан Жәлел ад-Дин Мәлiк ибн Әли-Арыстан Селжук шаһының тұсында сұлтан атымен аталған — “Мәлiктiң жыл санауы” жаңа күнтiзбесiн жасады, ол күн Тоқты шоқжұлдызына түскен кезiнен және көктемгi күн мен түннiң теңелу күнiнен кейiн бiрiншi күн басталатын күн – табиғи жаңа жылға негiзделген. Бұл аспан шырақтарының шоқжұлдыздар бiр жылғы айналымнан кейiн бастапқы айналу нүктесiне келiп, жаңа жолды — шеңбердi бастайтын күн.

Наурыз мейрамы — жалпы адамзаттық құндылықтарды бекiтудiң, мемлекетiмiзде халықтардың достығы мен туыстығын нығайтудың маңыздылығына орай, өзге елдердiң Жаңа жыл мерекелерiне ұқсас бiздiң мемлекетiмiздiң халықтық мейрамы деп көрсетiлген.

Осыған байланысты Наурыз — табиғат жаңаруының ежелгi мерекесi, оны қазiргi заманда көптеген халықтар атап өтедi. Оны мерекелеу қашан басталғаны туралы тарихи мәлiмет жоқ, оның тамыры тереңде жатыр.

Ж.Баққонды-ұлы