بانكير سپورتشى ەمەس دەپ كIم ايتتى؟

سالاۋاتتى ءومiر سالتىن ناسيحاتتاۋدا اليانس بانك ونەگەلi ءداستۇر باستادى. وتكەن سەنبi كۇنi اليانس بانك رەسپۋبليكالىق ۇستەل تەننيسi فەدەراتسياسىمەن بiرلەسە وتىرىپ، ءوز قىزمەتكەرلەرi اراسىندا سپورتتىق جارىس ۇيىمداستىردى.

بىلتىرعى جىلدىڭ جەلتوقسان ايىندا بانك قۇرىلىمىندا ءتورت سپورت كوميتەتi قۇرىلعان: فۋتبول، ۆولەيبول، شاحمات جانە ۇستەل تەننيسi. بۇل كوميتەتتەر اتالعان سالالار بويىنشا قىزمەتكەرلەر اراسىندا ءداستۇرلi جارىستار وتكiزiپ، سپورتپەن شۇعىلدانۋدى ناسيحاتتاۋدى ماقسات ەتiپ وتىر.

جارىسقا اليانس بانكتiڭ ەلۋدەن استام قىزمەتكەرi قاتىستى. ولاردىڭ اراسىندا قاراپايىم قىزمەتكەرلەر عانا ەمەس، بانك توراعاسى داۋرەن كەرەيباەۆ جانە باسقا دا باسشى قىزمەتتەردەگi ازاماتتار بار. بiز بانكيرلەردiڭ دايىندىق دەڭگەيi تۋرالى سپورت شەبەرi الەكسەي تيمچەنكودان سۇرادىق:

– بۇل جارىستا تەڭبە-تەڭ ءتۇسۋ دەگەن بولمايدى. بiرەۋ جەڭەدi، بiرەۋ جەڭiلەدi. سوندىقتان بۇل جارىس ويىنشىلار ءۇشiن قىزمەت بارىسىندا قاجەتتi قاسيەتتەردi قالىپتاستىرۋعا كومەكتەسەدi دەپ ويلايمىن. ال ويىنشىلاردىڭ دەڭگەيiنە كەلسەك، ارينە، ولار كاسiبي سپورتشىلارعا باسەكەلەس بولا المايدى، دەگەنمەن، اۋەسقويلار ءۇشiن جامان ەمەس.

جارىس بويىنشا قىزدار جانە جiگiتتەر اراسىندا جەڭiمپازدار ەكi بولەك انىقتالدى. قىزدار اراسىندا باس جۇلدەنi بانكتiڭ ەسەپكە الۋ جانە ەسەپ بەرۋ مەتودولوگياسى توبىنىڭ باس مامانى – مارينا وزەرنايا جەڭiپ الدى. ەكiنشi ورىن – بەكقوجانوۆاعا، ءۇشiنشi ورىن – شىڭعىسباەۆاعا بۇيىردى

بiز باس جۇلدەنiڭ سىيلىعى — بiرiنشi راكەتكاعا يە بولعان مارينانى اڭگiمەگە تارتتىق:

– ۇستەل تەننيسiن مەكتەپتەن باستاپ وينايسىڭ با؟

– ءجاسوسپiرiم كەزدەن اۋلا iشiندە دوستارىممەن ويناۋعا مۇمكiندiك بولعان كەزدi قالت جiبەرمەيتiنمiن.

– بۇگiنگi ويىن قانشالىقتى اۋىر تيدi?

– بۇگiنگi ويىن قيىن بولدى دەي المايمىن. ماعان قارسىلاسىم السiزدەۋ بولىپ كورiندi.

– بۇرىن وسىنداي جارىستارعا قاتىسىپ كوردiڭ بە؟

– بiر رەت قاتىسقانمىن. ەكiنشi ورىندى جەڭiپ الدىم.

بiز مارينامەن سويلەسiپ تۇرعاندا، جiگiتتەر اراسىنداعى ۇزدiك تە انىقتالىپ قالدى. اقتىق سايىسقا تۇسكەن پروتسەسسينگ ورتالىعىنىڭ دەپارتامەنت ديرەكتورى دەنيس سەرەدەنكو مەن شاعىن جانە ورتا بيزنەس دەپارتامەنتiنiڭ باس مامانى اسەت احمەتوۆتiڭ جارىسى اسەتتiڭ باسىم تۇسۋiمەن اياقتالدى. بiز دەرەۋ جەڭiمپازبەن تانىسۋعا اسىقتىق:

– ۇستەل تەننيسiمەن قانشا جاسىڭىزدان باستاپ اينالىساسىز؟

– ينستيتۋتتا شۇعىلداندىم. ستۋدەنتتiك كەزدە سپورت سەكتسياسىنا ۇزبەي بارىپ تۇردىم. مەنi حالىقارالىق دەڭگەيدەگi سپورت شەبەرiنiڭ ءوزi شىنىقتىردى. كاسiبي دەڭگەيiم جوق، سپورتپەن ءوزiم ءۇشiن شۇعىلدانامىن.

– بۇگiنگi ويىن قالاي ءوتتi?

– جانتالاساتىنداي ويىن بولدى دەي المايمىن. ءوزiم دە وسىنداي ناتيجەگە جەتەرمiن دەپ ويلاعانمىن.

قارا تەرگە تۇسكەن ويىنشىلاردىڭ كوزدەرiندە جەڭiسكە دەگەن ۇمتىلىستىڭ، شىنايى باسەكەلەستiكتiڭ ۇشقىنى بايقالادى. بۇل جارىستان العان اسەرلەرi ولارعا ءوز جۇمىستارىندا العا تارتۋشى كۇش بولاتىن شىعار. بانك توراعاسى داۋرەن كەرەيباەۆتىڭ ايتۋىنشا، وسىنداي شارالار قىزمەتكەرلەر اراسىندا ۇجىمدىق رۋحتى نىعايتۋعا ىقپال ەتپەك.

بۇل جارىستىڭ وزiندiك جالعاسى بار. "كەلەشەكتە وسى جارىستىڭ جەڭiمپازدارى مەن رەسپۋبليكالىق بۇقارالىق اقپارات قۇرالدارى اراسىندا جارىس وتكiزۋ ويىمىزدا بار. ال ەگەر باسقا بانكتەر تاراپىنان ۇسىنىس ءتۇسiپ جاتسا، ولارمەن دە جارىس وتكiزۋiمiز مۇمكiن" دەيدi اليانس بانكتiڭ ءباسپاسوز حاتشىسى نۇربولات تiلەۋلين.

جاقىن ارادا اليانس بانك ءوز قىزمەتكەرلەرi اراسىندا شاحماتتان جارىس وتكiزبەك.

گۇلبيعاش وماروۆا

ۇقساس جاڭالىقتار

Back to top button