ەندI جۇرت اكIمگە قارايدى

ينفلياتسيانى اۋىزدىقتاۋ مۇمكiن بە؟

جاڭا جىل تابالدىرىعىمىزدى اتتادى. جىل باسى تىشقان جىلى ىمىن دا، جىمىن دا بiلدiرمەستەن بوساعامىزعا كiرiپ كەلدi. ادەتتە، جاڭا جىل كiرمەستەن بۇرىن نەمەسە جىل باسىندا-اق ءارتۇرلi بولجامدار مەن جورامالدار جاسالىنىپ جاتاتىنى بەلگiلi. ايتالىق، سول بولجامداردىڭ بiر پاراسى — تىشقان جىلى ەلiمiزدە استىق بiتiك شىعادى جانە وعان كوز تiگەتiن ينۆەستورلاردىڭ سانى ارتا تۇسەدi دەگەنگە سايادى.

بالكiم، بۇل بولجامعا سەنۋگە دە بولار. ويتكەنi، بۇگiندە شەتەلدiڭ اۋزىن بيداي مەن مۇنايعا قاراتىپ وتىرعان قازاق ەلiنiڭ بۇل جاعىنان باعى جانعان. الايدا، استىق مول بولعانمەن، ەلدەگi ينفلياتسيانىڭ شارىقتاۋىنا تاعى دا جول بەرiلە مە؟ ال بۇل سۇراققا كورiپكەل دە، جۇلدىزشى دا، تiپتi، ءبارiن باقىلاپ وتىرعان ۇكiمەت باسىنداعىلار دا جاۋاپ بەرە المايدى. نەگە دەسەڭiز، وتكەن جىلعى قارا حالىقتىڭ قالتاسىن قاققان قىمباتشىلىق سول نان باعاسىنىڭ قىمباتتاۋىنان باستالعان جوق پا؟

ۇكiمەت جاڭا جىل قارساڭىندا، ودان كەيiن دە باعانىڭ ءوسiپ كەتپەۋiنە بايلانىستى ماسەلە كوتەردi. بىلتىرعى جىل، اسiرەسە قارا ناندى تالشىق ەتiپ وتىرعان وتباسى ءۇشiن اۋىر تيدi. استىق بiتiك شىعىپ، مۇنايدىڭ بiر باررەلi 100 دوللارعا جەتتi دەپ ەكونوميكامىزدىڭ الار اسۋلارىن تۇگەندەپ جاتقاندا، اس اتاسى — ناننىڭ قىمباتتاپ كەتكەنi، كۇندەلiكتi تۇتىناتىن ازىق-تۇلiك باعاسىنىڭ كەنەتتەن وسكەندiگi حالىقتى داعدارىتقانى راس. تiپتi، كەيبiر دەپۋتات حالىقتىڭ قالتاسىندا اقشا كوپ دەپ "تيسە تەرەككە، تيمەسە بۇتاققا" ايتىلعان ءسوزدi بىلش ەتكiزسە، ەندiگi بiر باسشىنىڭ "بiر باقالاش سۋدىڭ باعاسى — 70 تەڭگە، ال نانعا كەتەتiن شىعىن مۇنىكiمەن سالىستىرعاندا الدەقايدا كوپ" دەگەن كەرەعار پiكiر ايتقانىن قايدا قوياسىز؟ بيلiكتiڭ ءوزi اۋىزبiرلiك تانىتىپ، ماسەلەنiڭ شەشiمiن تابۋدى iزدەمەي جاتسا، باسقاسىنا نە داۋ بار؟

اقىر اياعى، ۇكiمەت بەكiتكەن بiراز بولجامدارعا ينفلياتسيا كونگiسi كەلمەيتiندiگiن اڭعارتقان سىڭايلى. ءاۋ باستا يپوتەكالىق داعدارىستان باستالعان تىعىرىق iلە-شالا ازىق-تۇلiك باعاسىنىڭ وسۋiنە اكەلiپ، ۇكiمەتتiڭ دە، حالىقتىڭ دا اپشىسىن بiر قۋىرىپ الدى. ەكونوميكانىڭ تاسى ورگە دومالاپ تۇرسا دا، الەۋمەتتiك توپتى قۇرايتىن حالىقتىڭ مۇڭ-مۇقتاجىن قاپەرگە الماساق، باستى قاتەلiك وسى. بiرجاقتى باعىتتى عانا ۇستانۋعا مويىنسۇنىپ كەتەتiن ەل ۇكiمەتi وسىندايدا ماسەلەنiڭ ەكiنشi قىرىنا اسا الاڭداۋشىلىق بiلدiرمەۋگە ماشىقتانعاندىعى بايقالىپ جاتادى. قارجىلىق داعدارىستىڭ قاي مەزگiلدە، قاي ايدا، قاي كۇنi كەلەتiنiنە ەشكiم دە كەپiلدiك بەرە المايتىنىن ەسكەرسەك، بۇل قيىنشىلىقتىڭ بiر تارماعىن باستان كەشكەن ۇكiمەت ءۇشiن بiراز ساباق بولعانعا ۇقسايدى. سودان با ەكەن، كارiم ءماسiموۆ كەلەر جىلدىڭ باستى مiندەتi رەتiندە قالاي بولعاندا دا "ەلدەگi ينفلياتسيانى ۇستاپ تۇرۋ، ازىق-تۇلiككە باعانى وسiرمەۋ جانە تاريفتەردi كوتەرتپەۋ" ەكەندiگiن بiر ەمەس، سان مارتە قايتالاپ ەسكە سالۋمەن بولدى. "بiزدiڭ بۇعان بۇگiن دە، ەرتەڭ دە مۇمكiندiگiمiز جەتەدi. ويتكەنi، قازاقستاننىڭ قارجىلىق جاعدايى نىق، سول سەبەپتەن، سىرتتان تونەر قارجىلىق قاۋiپتەرگە توتەپ بەرەر كۇشiمiز دە مىعىم"، – دەدi ۇكiمەت باسشىسى ماسەلەنiڭ الدىن الىپ. كەز كەلگەن اشىق نارىقتىق ەكونوميكا ساياساتىن جۇرگiزگەن مەملەكەتتiڭ قاپەرiندەگi شارۋا وسى. بۇلاي ەتپەيiنشە، ەل ەكونوميكاسىنا الەمدە بولىپ جاتاتىن ءتۇرلi ەكونوميكالىق داعدارىستار بەلگiلi بiر دەڭگەيدە ىقپال ەتۋi ابدەن مۇمكiن. دەمەك، ەندi پرەمەر-مينيستردiڭ تاپسىرماسى بويىنشا، ازىق-تۇلiك پەن باسقا دا تاۋارلارعا باعانىڭ ءوسiپ كەتپەۋi قاتاڭ باقىلاۋعا الىناتىن بولادى. "وبلىستار جانە تيiستi مينيسترلiكتەر مەن ۆەدومستۆولاردىڭ جەتەكشiلەرi باعا ماسەلەسiن ايرىقشا باقىلاۋدا ۇستاۋلارى قاجەت. ياعني، قازاقستاننىڭ قازiرگi جاعدايىندا ەشقانداي دا باعا ءوسiمi نەمەسە باعا تۇراقسىزدىعى بولماۋى تيiس"، دەدi ك. ءماسiموۆ. ارينە، "تاس تۇسكەن جەرiنە اۋىر". قىمباتشىلىقتىڭ ۇزىن قۇرىعى ءاپ-ساتتە بيلiكتi دە، حالىقتى دا تيتىقتاتىپ، العاشقىسىنىڭ قانداي دا بiر شەشiمگە كەلۋi ءۇشiن سان ۇرىپ قالعاندىعىن ەل كوردi.

شىنى كەرەك، ادەتتەگiدەي جاڭا جىل مەرەكە قارساڭىندا كۇندەلiكتi ازىق-تۇلiك تاۋارلارىنىڭ باعاسى كۇرت وسەدi. وعان جۇرت تا ۇيرەنiپ قالعان. بiراق بيىلعى باعانى حالىقتىڭ قالتاسى كوتەرە الماۋدا. سوندىقتان دا پرەمەر-مينيستر بۇل ماسەلەلەردە جەرگiلiكتi جەرلەردەگi اكiمدەرگە كوپ كۇش تۇسەتiندiكتەن، جاۋاپكەرشiلiكتiڭ باسىمىن سول جەرگiلiكتi اتقارۋشى بيلiكتiڭ مويىندارىنا ارتىپ وتىر. راس، باعا وسىمەن تۇراقتالا ما، جوق الدە قىمباتشىلىقتىڭ قۇرىعى جالعاسا ما، ونى ۋاقىت كورسەتەدi.

دينارا مىڭجاسارقىزى

ۇقساس جاڭالىقتار

Back to top button