ءدام-تۇزى تويدا تاۋسىلدى

جاقىندا قاراعاندى وبلىسىنا قاراستى شەت اۋداندىق «زامان» گازەتiنiڭ 70 جىلدىق تورقالى تويى ءوتتi

تويعا دايىندالعان وقىرمان كوڭiلi دە ەرەكشە-تiن. تاعدىردىڭ، جازمىشتىڭ سىيلار سىيى ۋاقىت تالعامايتىنىنا، جۇمىر باستى پەندەنiڭ قاي كۇنi، قاي ساتتە دەمi ۇزiلەتiنiنە دەيiن ەكشەپ، ولشەپ قويعان جاراتقاننىڭ قۇدiرەتiنە تاعى دا بiر باس يگەندەي، مويىنسۇنعانداي كۇي كەشەمiز دەگەن ەشكiمنiڭ ءوڭi تۇگiلi، تۇسiنە دە ەنبەگەن سياقتى ەدi.

سوناۋ جىلدارى رەسپۋبليكامىزداعى ساناۋلى وقۋ ورىندارىنىڭ بiرiنەن سانالاتىن iرگەلi قاراعاندى ۋنيۆەرسيتەتi مارقۇم ە.بۋكەتوۆتىڭ تۇسىندا iرگەسi قاتايىپ، ابدەن قالىپتاسقان ۋنيۆەرسيتەت بولعان. ول كiسiنiڭ وسىنداي ەڭبەگiن اقىلباەۆ جامبىل اقساقال ودان سايىن قالىپتاستىرىپ، ەلiمiزدiڭ تۇكپiر-تۇكپiرiنە سان قىرلى ماماندىق يەلەرiن دايارلاپ، تاربيەلەۋدە وزiندiك قولتاڭباسى، جان-جاقتى پەداگوگيكانىڭ مىقتى ءۇردiسiن جالعاستىردى.

اكادەميك-رەكتور ءوزiنiڭ تۋعان ەلiنە، تiلiنە، ونىڭ دiلi مەن دiنiنە دەگەن ماحابباتىن ءار ستۋدەنتتiڭ ساناسىنا سiڭiرۋ ءۇشiن وسى بوساعادا قانشاما جىل تەر توكتi. قازاقي ءتالiم-تاربيە — قازاقتىڭ تiلiندە، ال قازاق تiلiنiڭ، انا تiلiمiزدiڭ بال قايماعى ونىڭ باسپاسوزiندە ەكەنiن ۇنەمi ەسكە سالىپ جۇرەدi. قازاق باسىلىمدارىندا جازىلىپ جاتقان ماقالالاردى تالداپ-تاڭداپ، وزiندiك سىني كوزقاراسپەن قابىلداپ وتىراتىن اقساقالدىڭ ءدال اۋدان ءتولتۋماسى — گازەتتiڭ مەرەيتويىندا قۇتتىقتاپ تۇرىپ دەمiنiڭ ءۇزiلۋi دە وسى تۋعان جەرiنە، تۋعان تiلiنە دەگەن اسا قۇرمەتi مەن شەكسiز ماحابباتىن تاعى دا بiر دالەلدەپ كەتكەندەي ەسەڭگiرەتiپ تاستادى.

«بiز گازەت ارقىلى تاربيەلەنگەن ۇرپاقپىز، بويىمىزداعى جاقسى قاسيەتتەر قالىپتاسسا، تەك قازاقي باسىلىمنىڭ جەمiسi»…

ۇلى ۇستازدىڭ، كەمەڭگەر تالiمگەردiڭ ارتىندا قالىپ بارا جاتقان ۇرپاعىنا سوڭعى ءسوزi دە وسى بولدى.

سالتاناتتى جيىن ۇستiندەگi قايعىلى قازا ءبارiمiزدiڭ جۇرەگiمiزدi وڭەشiمiزدەن ج ۇلىپ العانداي اسەردە قالدىق. «جانىڭ جاناتتا بولسىن جاقسى اعا!»، دەگەننەن باسقا اۋىزعا ءسوز دە تۇسپەدi…

الماتى–استانا كۇرە جولىنىڭ بويىندا كورiكتi جەرگە ورنالاسقان اقسۋ–ايۋلى اۋىلىنىڭ توزىپ كەتكەن مىنا كەيپi قۇلازىعان كوڭiلiمiزدi ودان سايىن كۇڭiرەنتiپ جiبەردi. بiر كەزدەرi كامالي دۇيسەنبەكوۆ اقساقال اۋداندى باسقارىپ تۇرعان كەزدەگi، بiزدiڭ بالا كوڭiلiمiزدە قالعان اۋدان سۋرەتتەرi كوزدەن بۇل-بۇل ۇشقان. اۋدان ورتالىعىنداعى جالعىز مەيرامحانانىڭ جاعدايى ادام كورگiسiز. ءاۋ باستان ىدىسىنا قاراپ، ءدام-تۇزىنا قاراپ قوناق سىيلاي بiلەتiن، سىناي بiلەتiن قازەكەڭ، قۇداي كەسiرiنەن ساقتاسىن، اس ءۇيiن تازا ۇستاعان ەمەس پە ەدi?!

ارينە، اۋدان ورتالىعىنداعى باسقا مەكەمەلەر جاعدايىمەن تانىسۋعا ۋاقىت تىعىز بولعاندىقتان باس سۇعا المادىق. اۋدان اكiمiنiڭ الگi اقساقالدىڭ شارۋاسىمەن وبلىس ورتالىعىنا اتتانىپ كەتكەنiن بiلسەك تە، اۋدان اكiمشiلiگiنە ات باسىن بۇرا كەتكەندi ءجون كوردiك. ەكiنشi قاباتتىڭ بiر بۇرىشىنا ورنالاسقان دالiزدەگi اۋدان اكiمiنiڭ قابىلداۋ بولمەسi بiزدi تiپتi تاڭ تاماشا قالدىردى. وسىناۋ كوپ قاباتتى مەكەمەدەن قۋىقتاي بiر بولمەنiڭ بۇيىرماعانى ما؟ ولاي دەيiن دەسەڭ، اكiمنiڭ بولمەسi ەسiگi جابىق كۇيiندە، ال حاتشىسى دالiزدە وتىر. بiر بiلگەنiمiز، اۋدان باسشىلىعىنىڭ ەندi عانا اۋىسىپ جاتقاندىعى. «ءۇمiتسiز شايتان» دەگەندەي، الدان كۇتەر جاقسىلىقتارىمىزدىڭ قاتارىنا اقسۋ-ايۋلىنىڭ دا كوركەيەر كۇندەرiن اڭساۋدى، كورۋدi ەنگiزiپ قويدىق.

نەگiزگi ماقسات – «زاماننىڭ» تويى بولعاندىقتان، گازەتتiڭ بۇگiنگi زامان كوشiنەن قالماي، كەشەگi قيىن-قىستاۋ كۇندەرi دە ءوز دەڭگەيiندە شىعىپ تۇرعانى، سول جانكەشتi جۋرناليستەردiڭ بۇگiنگi بەلسەندiلiگiنە قاراپ iشتەي سۇيسiندiك.

تاڭسۇلۋ الدابەرگەنقىزى

ۇقساس جاڭالىقتار

Back to top button