«اللا — حاق، قۇران — شىن، پايعامبار ۇمبەتIمIز»

مۇسىلماندار ءۇشiن ۇلىق مەرەكە قۇربان ايتتىڭ ءجونi بولەك. 20-جەلتوقسان كۇنi باستالعان ۇلىق مەرەكەگە ەلباسى نۇرسۇلتان نازارباەۆ وڭتۇستiك استاناعا ارنايى كەلiپ، قالا جۇرتشىلىعىن قۇربان ايت مەرەكەسiمەن قۇتتىقتادى. ورتالىق مەشiتكە ايت نامازىنا كەلگەن جۇرتشىلىقتا ەسەپ جوق.

قاراقۇرىم جينالعان قاۋىم تاڭەرتەڭگiلiك ايت نامازىنان كەيiن دە، تاراي قويمادى. شوعىرلانعان كۇيi مەشiتكە كەلگەن ەلباسى نۇرسۇلتان نازارباەۆتى، قالا اكiمi يمانعالي تاسماعامبەتوۆتi، باس ءمۇفتي ءابساتتار دەربiسالiنi قول شاپالاقتاپ قارسى الدى. پرەزيدەنت باستاعان توپ اۋەلi مەشiتكە كiرiپ، ءمiناجات ەتiپ شىقتى. نامازعا جيىلعان جاماعاتپەن ەسەن-ساۋلىق سۇراسقاننان كەيiن، پرەزيدەنت:

– قۇرمەتتi قاۋىم، قادiرمەندi ەل-جۇرت، يمانى جاراسقان اعايىن، دۇنيەنiڭ بارلىق مۇسىلمان جۇرتى جىلىنا بiر رەت كەلەتiن قاسيەتتi مەرەكەمiز – قۇربان ايتتى تويلاپ جاتقان جاعدايى بار. اللا – حاق، قۇران – شىن، پايعامبار ۇمبەتiمiز دەگەن مۇسىلمانداردىڭ بارلىعى باسىن جاينامازعا تيگiزiپ، بۇگiن اللانىڭ شاپاعاتىن سۇرادى. وسىنداي بiرلiگi جاراسقان دiنiمiزدiڭ، ادامداردىڭ بiر-بiرiنە دەگەن سەنiمدiلiگiنiڭ ارقاسىندا، بiز قارىم-قاتىناسىمىز جاراسقان تىنىشتىقتىڭ التىن بەسiگiندە ءومiر ءسۇرiپ جاتىرمىز. سول تىنىشتىقتىڭ، بiرلiكتiڭ ارقاسىندا ەلiمiز وركەندەپ، ءوسiپ، ەكونوميكامىز كوتەرiلiپ، حالىقتىڭ جاعدايى جاقسارىپ، ءار ادامعا مۇمكiنشiلiك جاساپ كەلە جاتىرمىز. سول تىنىشتىقتىڭ، بiرلiكتiڭ ارقاسىندا قازاقستاندى بۇكiل دۇنيە سىيلايدى، قۇرمەتتەيدi.

بۇكiل مۇسىلمان جۇرتىنىڭ دۇنيەدەگi بiرلiگiن ايتاتىن، بiر-بiرiنە سەنiمiن، بiر-بiرiنiڭ قولداۋىن، ونىڭ iشiندەگi قازاقستانداعى مۇسىلماندار ءوزiنiڭ بiر دiن، بiر دiل ەكەنiن ءتۇسiنiپ، بiر-بiرiنە اعايىنشىلىعىن كورسەتiپ، بiر-بiرiن جاقتاپ، بiر-بiرiن قولداپ وتىرۋى كەرەك. سودان بارىپ قازاقستان حالقىنىڭ 70 پايىزىنان اساتىن مۇسىلماندارىنىڭ بiرلiگi بولسا، بiزدiڭ كەلەشەگiمiز زور. مۇحاممەد پايعامبارىمىزعا جاراتقان يەمiزدiڭ ايتقان ءسوزi بار: «ەي، پەندەم، مەنiڭ ساعان جاسايتىن جاقسىلىعىم سول بولسىن، جورتقاندا جولىڭا جاقسى ادامداردى قوسىپ ال» دەگەن ەكەن. سول سەكiلدi بارشالارىڭىزعا اللانىڭ شاپاعاتى، جاقسىلىعى بولا بەرسiن! ەلiمiز امان، جۇرتىمىز تىنىش بولسىن! قۇربان ايت مۇباراك بولسىن! شالعان قۇرباندارىمىزدىڭ، قاسيەتتi كوڭiلiمiزدiڭ بارلىعى اللانىڭ قۇلاعىنا شالىنسىن. اتا-بابالارىمىزدىڭ ارۋاقتارىنا شاپاعاتىن تيگiزسiن! ەل-جۇرتىمىزعا، حالقىمىزعا جاقسىلىق تiلەيiك بۇگiن. بiر-بiرiمiزبەن قاۋىشىپ، جاقسىلىققا عانا بەيiمدەلiپ، بولاشاقتى ويلايىق. جارقىن بولاشاقتى، ۇرپاقتارىمىزدىڭ بولاشاعىن، ەلiمiزدiڭ، قازاقستانىمىزدىڭ بولاشاعىن ويلايىق. ەلiمiز امان، جۇرتىمىز تىنىش بولسىن ءار ۋاقىتتا. التىن بەسiگiمiز – وتانىمىز امان بولسىن. سوندا ءبارi بولادى. بارشالارىڭىزدى، شىن جۇرەگiممەن بۇكiل قازاقستان مۇسىلماندارىن قۇتتىقتايمىن!، – دەدi.

ەلباسىنىڭ قۇتتىقتاۋىن تىڭداعان حالىق ەل باسشىسىن قوشەمەتپەن شىعارىپ سالدى. بiرiن-بiرi ريزا كوڭiلمەن ايتتىقپەن قۇتتىقتاپ جاتقان كوڭiلدi جۇرت قىلاۋلاپ جاۋعان قاردى دا جاقسىلىققا جورىسىپ، تاراستى.

<؟php echo "1111"; ؟>

گۇلزينا بەكتاسوۆا

ۇقساس جاڭالىقتار

Back to top button