" ۇلى الاماننىڭ بايگەسI –"ۇشقوڭىردا"

وتكەن اپتانىڭ جەكسەنبiسiندە الماتى وبلىسى، قاراساي اۋدانى، رايىمبەك اۋىلى جانىنداعى "اقساي" اتشابارىندا ۇلى الامان بايگەسi ءوتتi. بۇل الماتى وبلىسىندا وتكەن بيىلعى ماۋسىماشار جارىسى ناۋرىزدا "تالدىقورعان" اتشابارىندا وتكەن ۇلتتىق ات سپورتى ويىندارىنىڭ سوڭعى سىناعى بولىپ تابىلادى. رەسپۋبليكا كۇنiنە وراي، ارنايى ۇيىمداستىرىلعان بايگەدەگi الامانعا 50 مىڭ اقش دوللارى باستاعان، «ۆولگا» جانە «نيۆا» اۆتوكولiگi قوسا تiگiلدi. قالعان جۇيرiكتەر دە سىي-سياپاتتان قۇر قالعان جوق.

" ۇلى الامان" حالىقارالىق بايگەسiنە ەلiمiزدiڭ ءار تۇكپiرiنەن جانە قىرعىزستاننان جينالعان جۇزگە جۋىق تۇلپار قاتىستى. كونتسەرتتiك باعدارلامامەن باستالعان دودا الماتى وبلىسىنىڭ اكiمi سەرiك ۇمبەتوۆتىڭ قۇتتىقتاۋىمەن اشىلدى. مەرەكەلiك ات سپورتى جارىسىندا الامانعا اۋەلi قۇناندار شىقتى. 11 شاقىرىمدىق سايىستا الماتى وبلىسىندا عانا ەمەس، ەلiمiزدiڭ باسقا ايماقتارىندا ءوتiپ جۇرگەن بايگەلەردiڭ كوبiنەن جۇلدەلi ورىندى يەمدەنiپ جۇرگەن ەسكەلدi اۋدانىنىڭ اقساقالى اقىلباي اقبەرلiنوۆتىڭ جىلقى زاۋىتىندا باپتالعان "گاككۋ" اتتى سايگۇلiگi تاعى دا وزا شاۋىپ، بايگە الدى. جورعا جارىسىندا الماتى وبلىسىنىڭ نامىسىن قورعاعان عابيت ۇمبەتوۆتىڭ "تارلانى" باسقالالاردان وزىق كەلiپ، بiرiنشi ورىنعا تiگiلگەن 1500 اقش دوللارىن يەمدەندi. ال جۇرت اسىعا كۇتكەن الامان دوداسىندا العاشقى جەتi ورىنعا جۇلدە تاعايىندالعان بولاتىن. جارىسقا قاتىسقان 24 جىلقىنىڭ تورتەۋi عانا 31 شاقىرىمدىق شابىستىڭ مارە سىزىعىنا جەتتi. باس جۇلدە 50 مىڭ اقش دوللارىن بولات نازارباەۆتىڭ "ۇشقوڭىر" اتتى ءدۇلدۇلi ەنشiلەسە، ەكiنشi ورىنعا تiگiلگەن "ۆولگانى" قاراساي اۋدانىنىڭ ازاماتى سوۆەتبەك بايعازيەۆتiڭ "قاراۋىلى" يەمدەندi. ءۇشiنشi ورىن عابيت ۇمبەتوۆتىڭ "قايماق" اتتى تۇلپارىنا بۇيىرىپ، "نيۆا" اۆتوكولiگiن يەلەندi.

ەدiگە بەكتاس

ۇقساس جاڭالىقتار

Back to top button