جايىقتا قالدى بIر ارمان

ساياسي قۋعىن-سۇرگiنگە مەرزiمi ءوتۋ ۇعىمى قولدانىلمايدى. بۇل وتان تاريحىنداعى ماڭگiلiك تاقىرىپتاردىڭ بiرi بولىپ قالا بەرەدi. وسىناۋ قىزىل تەرروردا حالقىمىزدىڭ باسىنان كەشكەندەرiن ەسكە الۋ قانشالىق اۋىر بولعانمەن، وتكەنiن ۇمىت قالدىرعان، تاريح ساباعىن ەسكەرمەگەن، ماڭگۇرت سانا قالىپتاسقان ەلدە سول ز ۇلىمدىقتاردىڭ قايتا اينالىپ سوعۋى مۇمكiن ەمەستiگiن ەستەن شىعارماعان ابزال. سول بiر زۇلمات جىلدار ۋاقىت اعىسىمەن جىلجىپ، تاريح بەتiنە كوشكەنمەن، ول قىلمىستار ۇمىتىلمايدى. ويتكەنi، ول ۋاقىت – بiزدiڭ، كەشەگi جازىقسىزدان جازىقسىز اتىلعان ميلليونداردىڭ بۇگiنگە جالعاسقان ۇرپاعىنىڭ ساناسىندا. مۇراعاتتاردا ساقتالعان دەرەكتەردە، تاريح بەتتەرiندە. بۇل سانانى ەشقانداي مەملەكەتتiك ماشينا وشiرە المايدى.

كەشەگi توتاليتارلىق جۇيە اكە-شەشەدەن ەسiن بiلمەي ەرتە ايىرىپ، تاعدىر تالكەگiنە لاقتىرعان ۇرپاقتىڭ وكiلi روزا باقتىگەرەيقىزى بيسەنوۆامەن اڭگiمە ۇستiندە كەلگەن ويلار وسىنداي ەدi.

جيىرماسىنشى عاسىردا ءوز حالقىنا قارسى الاپات قاندى تەرروردى iسكە اسىرعان كەڭەستiك توتاليتارلىق جۇيەنiڭ قۇربانى بولىپ، ارامىزدان ماڭگiلiككە كەتكەن ۇرپاقتاردىڭ وي-ارمانى، ءۇمiت-تiلەگi، قۋانىشى مەن قايعىسى دا قايتپاسقا كەتتi. مۇراعاتتاردان ساياسي قۋعىن-سۇرگiن قۇرباندارىنىڭ قاي-قايسىسىنا قاتىستى بولماسىن «سۆيدەتەلستۆو و سمەرتي» دەگەن انىقتامانى اشساڭىز، ونىڭ بارiندە دەرلiك «پريچينا سمەرتي — راسسترەل» دەگەن سۋىق ءسوز الدىڭنان شىعادى. جەندەتتiڭ وعى ساعان كەزەلiپ تۇرعانداي دەنەڭ شىمىرلاپ، ارقاڭ مۇزدايدى. اجال ۇكiمi ارمانىنا جەتكiزبەي، قاناتىن قيعانداردىڭ بiرi — جەر بەتiندەگi ەڭ ابزال ماماندىق يەسi، قازاقتان شىققان العاشقى دارiگەر، رەسەي يمپەراتورلىق ۋنيۆەرسيتەتi مەديتسينا فاكۋلتەتiنiڭ تۇلەگi باقتىگەرەي (باح، باقىش) بيسەنوۆ بولاتىن.

ون توعىزىنشى عاسىردىڭ سوڭعى جىلدارى. اساۋ تولقىندى جايىقتىڭ جاعاسىن جايلاعان اۋىلداردىڭ بiرiندە، قازاقتىڭ كيەلi بiر قارا شاڭىراعىندا دۇنيەگە كەلگەن سابيگە اتا-اناسى، اعايىن-جۇرت ءۇمiت ارتىپ، ۇكiلەپ باقتىگەرەي دەپ ات قويعان. بالالىقتى ارتقا تاستاعان جاس جۇرەك الىس ارمانعا تالپىندى. ماڭدايىنان مەيiرلەنە يiسكەر اتاسىنىڭ «ەرتەڭ مەكتەپتi بiتiرەسiڭ، دارiگەر بولىپ ەلگە قىزمەت ەتەسiڭ» دەيتiن سوزدەرi كوكەيدە قالعان. 11 جاسىندا جەرگiلiكتi ورىس-قازاق مەكتەبiن بiتiرگەن سوڭ، ساراتوۆ ۋنيۆەرسيتەتiنiڭ مەديتسينا فاكۋلتەتiنە تۇسۋگە شەشiم قابىلدايدى. ارينە، ول ءۇشiن الدىمەن دايىندىق كەرەك-تi. باقتىگەرەي ارمان جەتەگiندە ورالعا جول تارتادى. 1901 جىلى ورال اسكەري رەالدىق ۋچيليششەسiنە ءتۇسiپ، 1910 جىلدىڭ ماۋسىمىندا ونىڭ تولىق كۋرسىن جانە جوعارى وقۋ ورنىنا تۇسۋگە مۇمكiندiك بەرەتiن قوسىمشا كلاسىن اياقتايدى. ال 1907 جىلى ورىنبورعا ارنايى لاتىن تiلiنەن سىناق تاپسىرۋعا بارىپ، «…ورىنبور وقۋ-اعارتۋ وكرۋگi سىناق كوميتەتiندە لاتىن تiلiنەن ەرلەر گيمنازياسىنىڭ 8 كلاسى كولەمiندە سىناققا ءتۇسiپ، قاناعاتتانارلىق بiلiمi بار ەكەنiن كورسەتتi…» دەگەن №323 كۋالiك الادى. مەديتسينالىق بiلiم الۋ ءۇشiن بۇل مiندەتتi شارت ەدi. ءسويتiپ، تالاپتى جاس 1910 جىلى 14-تامىزدا ساراتوۆ قالاسىنداعى نيكولاي يمپەراتورلىق ۋنيۆەرسيتەتiنiڭ مەديتسينا فاكۋلتەتiنە وقۋعا تۇسەدi. ول كەزدە ارنايى بiلiمi بار دارiگەر ماماندار قازاق اۋىلدارىندا اتىمەن جوق بولاتىن. ارادا ءۇش جىل وتكەندە بiرiنشi دۇنيەجۇزiلiك سوعىس قيمىلدارىنىڭ باستالۋىنا بايلانىستى توعىز سەمەستردi مەرزiمiنەن بۇرىن تاپسىرادى. سوڭعى ەمتيحاندى 1917 جىلى 30 ساۋiردە ويداعىداي تاپسىرعان ول ساراتوۆ يمپەراتورلىق ۋنيۆەرسيتەتiنiڭ ديپلومىن الىپ شىعادى. وسى جىلى ب. بيسەنوۆ ورال وبلىسى 13-قىزىلكۇلگiن اۋىلدىق-دارiگەرلiك ۋچاسكەسiندە قىزمەتكە كiرiسiپ، مۇندا 1920 جىلعا دەيiن ەڭبەك ەتەدi.

حح عاسىردىڭ باسى ورىس پاتشالىعى تىنىشتىعىنان ايرىلعان كەزەڭ بولاتىن. پاتشالىق قۇرىلىس داعدارىسقا ۇشىراپ، حالىق اراسىندا تولقۋلار بولىپ جاتتى. ونىڭ اياعى فەۆرال، وكتيابر رەۆوليۋتسيالارىنا، اقتار مەن قىزىلداردىڭ اتىس-شابىسىنا، ءسويتiپ كەڭەس وكiمەتiنiڭ ورناۋىنا اكەلدi. اشتىق، اۋىر تۇرمىس، اۋرۋ-iندەت، ساياسي قۋعىن-سۇرگiن، ۇزدiكسiز قانتوگiستەر ءداۋiرi باستالدى. ەل باسىنا تۇسكەن وسىنداي اۋىر جاعدايدا كالمىكوۆ ۋەزدiك دەنساۋلىق ساقتاۋ ءبولiمiنiڭ مەڭگەرۋشiسi بولىپ تاعايىندالعان ءوز زامانىنىڭ بiلگiر مامانى باقتىگەرەي بيسەنوۆ قاي جەردە قيىن احۋال قالىپتاسادى، كومەك قولىن سوزىپ سوندا اتتانادى. بۇل جىلدارى كالمىكوۆ ۋەزiندە 120 مىڭداي حالىق تۇرعان. ۋەزدiڭ وزiندە بەس دارiگەرلiك، ون فەلدشەرلiك پۋنكت بولعان. ازامات سوعىسىنىڭ باستالۋىمەن ۋەز حالقىنا مەديتسينالىق قىزمەت كورسەتۋدە كوپ كەدەرگiلەر تۋىندايدى. باس دارiگەرلiك پۋنكت بiر عانا مەكتەپ فەلدشەرiنiڭ باسشىلىعىمەن جۇمىس iستەيدi. ۋەزدiڭ ورتالىعىنداعى قالالىق 25 توسەكتiك اۋرۋحانا دارiگەرسiز جۇمىس iستەپ تۇرعان. بiلiكتi دارiگەر، iسكەر ۇيىمداستىرۋشى ب.بيسەنوۆ 1924 جىلدىڭ باسىندا ورال وبلىسىنداعى بايعۇتتى اۋرۋحاناسىنىڭ مەڭگەرۋشiسi بولسا، 1925 جىلى جىمپيتى ۋەزدiك دەنساۋلىق ساقتاۋ بولiمiندە سانيتارلىق دارiگەر، ودان كوپ ۋاقىت وتپەي جىمپيتى اۋرۋحاناسىن باسقارادى. مۇنداعى مەديتسينالىق قىزمەت كورسەتۋدi جوعارى دەڭگەيگە جەتكiزگەن ونى 1928 جىلى تايپاق اۋداندىق اۋرۋحاناسىنا باسقارۋشى ەتiپ جiبەرەدi. كەلەسi جىلدىڭ قاڭتارىندا ورال قالالىق سوۆەت-پارتيا مەكتەبiنiڭ دارiگەرi، بiر جىلدان سوڭ گۋبەرنيالىق دەنساۋلىق ساقتاۋ ءبولiمiنiڭ ەمدەۋ-پروفيلاكتيكا iسi جونiندەگi ينسپەكتورى بولىپ تاعايىندالادى. بيسەنوۆتى پارتيا قيىردان— قيىرعا، قيىننان-قيىنعا جۇمسادى. قيىندىقتىڭ قاندايىنان بولسىن ول جول تاۋىپ شىعا بiلدi. جايىقتىڭ جاعاسىن جايلاعان جۇرت وسى كۇنگە دەيiن ب. بيسەنوۆتى 1921-1935 جىلدارعى اۋىر تۇرمىس پەن اشارشىلىقتان ازىپ-توزعان ەل iشiندە باس كوتەرگەن وبا iندەتi سىندى ءتۇرلi جۇقپالى اۋرۋلاردىڭ بەتiن قايتارىپ، ەلدi قاتەرلi دەرتتiڭ قۇرىعىنان امان الىپ قالعان بiردەن-بiر وتە زەردەلi مامان، بiلiكتi دارiگەر، ۇلتىن سۇيگەن ازامات دەپ باعالايدى. ازامات سوعىسىنىڭ الاساپىران جىلدارىندا تايپاق اۋدانىنىڭ ورتالىعى بازارتوبەدە قازاقتارعا ارناپ اۋرۋحانا سالدىرعانى دا ەل ەسiندە. قازiردiڭ وزiندە دۇرىس جولعا جارىماعان بۇل ءوڭiردiڭ حالقى سول كەزدە جايىقتىڭ ارعى بەتiنە قۇرىلىس ماتەريالدارىن تاسىپ اپارۋدىڭ قانشالىق قيامەت ەكەنiن جاقسى تۇسiنەدi. جايىقتىڭ بەرگi جاعاسىندا، ۋەز ورتالىعى — ورالداعى اۋرۋحاناعا جەرگiلiكتi حالىقتىڭ وكiلدەرi باس سۇعا المايتىندىعىن، قابىلداعان كۇننiڭ وزiندە جەتكiزبەس جول اۋىرتپالىعىنىڭ ازابىن ەسكەرگەن ول ەلدiڭ بولاشاعى ءۇشiن بۇل قيامەتتi ءوز موينىنا العان ەدi. دەنساۋلىقتىڭ نەگiزi ەڭ الدىمەن ءسابي كۇتiمi مەن دۇرىس تاماقتاندىرىلۋىنا بايلانىستى ەكەنiنە بارىنشا ماڭىز بەرگەن بiلگiر مامان بالالار تاعامى ءۇشiن ارنايى سيىر تابىنىن ءبولۋدi ۇسىنادى. وسى ماقساتتا مالشارۋاشىلىعى كورمەسiنە قاتىسقانى ءۇشiن ماقتاۋ قاعازى بەرiلگەن. ونىڭ 1921 جىلى ورال گۋبەرنيالىق دەنساۋلىق ساقتاۋ ءبولiمi كەڭەسiندە حالىقتىڭ دەنساۋلىق جاعدايى جانە دارiگەرلiك كومەك تۋرالى جاساعان بايانداماسى ارحيۆتە ساقتالعان. مۇنداي باياندامانى دايىنداۋ ،ارينە، تەك مىقتى مامانعا عانا سەنiپ تاپسىرىلاتىن. جۇمىسباستىلىعىنا قاراماستان ب. بيسەنوۆ ءوزiنiڭ بiلiمiن جەتiلدiرۋدi دە ۇمىت قالدىرماعان. پەتەربور، ماسكەۋگە بارىپ عىلىمي جۇمىستارمەن دە اينالىسقان. مۇنىڭ ءبارi، ارينە، مەديتسينا عىلىمى جاڭالىقتارىنىڭ قايتكەندە ەلگە پايداسىن تيگiزۋ، حالىق دەنساۋلىعىن جاقسارتۋ iسiن دامىتۋ ماقساتىنداعى قارەكەتتەر-دi. بiراق كۇشiنە ەنگەن ستاليندiك تەررور وسىناۋ اسىل ماقساتتىڭ دا جولىن كەستi. حالقى ءۇشiن كۇن-ءتۇن جارعاق قۇلاعى جاستىققا تيمەگەن ازامات 1937 جىلدىڭ 16 قىركۇيەگiندە نكۆد ۇشتiگiنiڭ قۇرىعىنا iلiگەدi. وعان باتىس الاشوردا ۇكiمەتiنiڭ بەلدi مۇشەسi، ءوز ورتاسىندا وتە بەدەلدi تۇلعا رەتiندە تانىلۋى سەبەپ بولسا كەرەك. تۇتقىنداۋعا نەگiز بولعان №18 حاتتامادان: «زاسەدانيە ترويكي ۋنكۆد پو زاپادنو-كازاحستانسكوي وبلاستي 5 دەكابريا 1937 گودا پوستانوۆيلي بيسەنوۆا ب. زاكليۋچيت ۆ يتل نا 10 لەت، سچيتايا سروك س 10 سەنتيابريا 1937 گودا. وبۆينياەتسيا ۆ پرينادلەجنوستي ك كونتررەۆوليۋتسيوننوي پوۆستانچەسكوي ناتسيوناليستيچەسكوي ورگانيزاتسي. ستاتيا 58-2 ۋك رسفسر». ارادا بiر جىل وتكەندە سول ۇشتiك مىناداي ۇكiم شىعارادى. №1 حاتتامادان: «زاسەدانيە ترويكي ۋنكۆد پو زاپادنو-كازاحستانسكوي وبلاستي وت 15.02.1938 گ. پوستانوۆيلي بيسەنوۆا ب. راسسترەليات، يمۋششەستۆو، ليچنو ەمۋ پرينادلەجاششەە كونفيسكوۆات (ستاتيا 58-2-II ۋك رسفسر)». ۇكiمدi ورىنداۋ ۋاقىتى 1938 جىلدىڭ 19 اقپانىنا، ساعات 21.15-كە بەلگiلەنەدi. ءسويتiپ، كۇنi كەشە قيىن-قىستاۋ جىلداردا ەلدiڭ دەنساۋلىعىن قايتسەم جاقسارتام، دەنساۋلىق ساقتاۋ سالاسىن قايتكەندە كوتەرەمiز دەپ ۇلتىنىڭ ەرتەڭi ءۇشiن تىنىشتىق كورمەگەن ارداقتى ازامات «حالىق جاۋى» بولىپ اتىلىپ كەتە باردى. 1958 جىلى ب. بيسەنوۆتىڭ iسi قايتا قارالىپ، باتىس قازاقستان وبلىستىق سوتى پرەزيديۋمىنىڭ قاۋلىسىمەن ەشبiر كiناسi بولماعاندىقتان تولىق اقتالادى.

— اكەم تۋرالى دەرەكتەر جيناستىرۋدى 1992 جىلدان قولعا الدىم، — دەيدi روزا اپاي، — 1890 جىلى 10 جەلتوقساندا ورال وبلىسى، لەبشiن ۋەزi، قىزىلجار بولىسىنداعى №5 اۋىلدا دۇنيەگە كەلگەن ول كiسiنiڭ بiرگە تۋعان باۋىرلارىنىڭ ءبارi دە (التى ۇل، بiر قىز) پاتشا زامانىندا-اق جاقسى بiلiم العان. ەڭ ۇلكەن اعاسى مەيiرمان — مۇعالiم، سول كەزدەگi قازاق باسىلىمدارىندا ماقالالارى جاريالانىپ تۇرعان. 1910 جىلى قازا بولسا كەرەك. ۇرپاقتارى الماتى، ورال قالالارىندا تۇرىپ جاتىر. Iزiمەي دەگەن بالاسى پاتشا ۇكiمەتi كەزiندە بولىس سايلانعان، اۋىل شارۋاشىلىعى اكادەمياسىن بiتiرگەن ادام. جەڭگەمiز اقەدiل وتە پاراساتتى، تۋىستارىنا مەيiرiمدi بولعان. بيسەن اتامىزدىڭ جالعىز قىزى — اقكەنجە اپامىز كالمىكوۆ ۋەزiندە بولىس بولىپ، جاستاردى تاربيەلەۋ iسiنە ۇلكەن ەڭبەك سiڭiرگەن. ول كiسiدەن قالعان جالعىز تۇياق — جيەنiمiز كارiم قايىرشين مەن قاسيلا جەڭگەيدiڭ بالالارى وسى ورال قالاسىندا تۇرادى. اكەمiزدiڭ تاعى بiر اعاسى نۇرعالي دا كەڭەس كەزiندە جەر اۋدارىلعان. ودان ءۇش قىز تاراعان. ۇلكەنi عازيزا مۇحتار اۋەزوۆتiڭ حاتشى-ماشينيستكاسى بولىپتى. ورتانشىسى ءرازيا الماتىدا باسپاحانادا ماشينيستكا بولىپ جۇمىس iستەگەن. كەنجەسi عاپۋرا ورال پەدينستيتۋتىنىڭ ماتەماتيكا فاكۋلتەتiن بiتiرگەن. كەيiن الماتى كونسەرۆاتورياسىن بiتiرiپ، سوندا ساباق بەرەدi. ودان قازاقتىڭ تالاي بەلگiلi كومپوزيتورلارى، مۋزىكا ماماندارى بiلiم العان. كونسەرۆاتوريادا جيىرما جىلدان استام پرورەكتور بولعان ول كiسi قازاق ايەلدەرi اراسىنان شىققان العاشقى شاحماتشىلاردىڭ بiرi.

روزا اپايدىڭ ايتۋىنشا، باقتىگەرەيدiڭ بەس ۇل، ەكi قىزى بولعان. ۇلكەن قىزى زەينەپ «ورال ءوڭiرi» گازەتiندە كوپ جىل اعا كوررەكتور بولىپ ەڭبەك ەتiپتi. قازاقتىڭ مەملەكەتتiك مەديتسينا ينستيتۋتىنىڭ ەمدەۋ فاكۋلتەتiن بiتiرگەن كەنجەسi، بiز اڭگiمەلەسiپ وتىرعان روزا اپاي اكە جولىن جالعاستىرعان، دارiگەر. قاراعاندى قالاسىندا باس بالالار دارiگەرi بولىپ قىزمەت ەتكەن. بالالار دەنساۋلىعىن جاقسارتۋعا ارنالعان ۇزاق جىلعى ەڭبەگi وكتيابر رەۆوليۋتسياسى، «قۇرمەت بەلگiسi» وردەندەرiمەن ماراپاتتالىپ، ەكi مارتە وبلىستىق كەڭەستiڭ دەپۋتاتتىعىنا سايلانعان روزا باقتىگەرەيقىزى قازiر قۇرمەتتi ەڭبەك دەمالىسىندا.

— كەشەگi ساياسي قۋعىن-سۇرگiننiڭ لاڭىمەن اكە-شەشەدەن ەس بiلمەي ايرىلدىم، تاربيەسiن كورگەن جوقپىن. بiراق مەن ولاردى ماقتان ەتەمiن. بiر جاسىمدا اتا-انادان ايرىلىپ، تاعدىردىڭ تالاي قيىندىعىن كورگەنمەن، بۇگiنگi كۇنگە جەتiپ وتىرعانىم — اتا-بابا توپىراعىنىڭ قۇنارى، سول قۇناردان ءنار العان اكە-شەشە قانىنىڭ قاسيەتi عوي دەپ ويلايمىن، — دەيدi روزا اپاي. — جاقسى كۇنگە جەتiپ، كiندiك قانىم تامعان تۋعان جەرگە ارادا جارتى عاسىر وتكەندە تابانىم تيدi. حالقى ءۇشiن وققا بايلانعان ازاماتتىڭ ارۋاعى قولداعان بولار، جولىمدا جانى جومارت، كوكiرەك كوزi وياۋ كiلەڭ بiر جاقسى جاندار كەزدەستi. ورالعا كەلگەندە العاش جولىعىپ، بiراز دەرەكتەرiمدi وتكiزگەن وبلىستىق ولكەتانۋ مۋزەيiنiڭ ديرەكتورى سارا تاناباەۆانىڭ پاراسات-پايىمىنا، بiلiكتiلiگiنە، ءوز iسiنە دەگەن ادالدىعىنا ءتانتi بولدىم. ودان كەيiندە مۇرادىم تورەش، دارiگەر عادiلشە ماحمەتوۆ، جازۋشى جايساڭ اقباي، بيسەن جۇماعاليەۆ، بەكەجان جانعاليەۆ، عازيز حايمولدين، سايات ءسالiموۆ، وبلىستىق دەنساۋلىق ساقتاۋ دەپارتامەنتiنiڭ باسشىسى ايزات مولداقاسىموۆا جانە باسقا دا كوپتەگەن ازاماتتارمەن كەزدەستiم. ولار اكەمدi بiلەتiندiكتەرiن، ەل اۋزىندا قالعان ەڭبەگi، مiنەز-قۇلقى تۋرالى ايتىپ، قوسىمشا دەرەكتەر جيناستىرۋعا ۇلكەن كومەك كورسەتتi.

ورالعا سوڭعى بارعانىمدا اكەلەر iسiن جالعاستىرۋشى بۇگiنگi ۇرپاقتىڭ قارەكەتiمەن تانىستىم. جەرگiلiكتi مۋزەيلەرگە ماتەريالدار ۇسىندىم. اكەم جەرگiلiكتi حالىق ءۇشiن اۋرۋحانا ءۇيiن تۇرعىزعان، قىزمەت ەتكەن بازارتوبە، اقجايىق اۋداندارىندا بولىپ، تاريحپەن تiلدەسكەندەي كۇي كەشتiم. ءوزi تiكەلەي ارالاسىپ، باسشىلىق جاساپ سالدىرعان اۋرۋحانا ءۇيi بەرتiنگە دەيiن سىر بەرمەي تۇرعان ەكەن. مەديتسينا سالاسىنداعى وڭتايلاندىرۋدىڭ ناتيجەسiندە قاراۋسىز قالىپ، كەيبiر پىسىقتار كiرپiشiن بۇزىپ العان. بۇگiندە قابىرعالارى مۇجiلگەنمەن، iرگەتاسىنىڭ بiر جەرi قيسايماعان، مىقتى. ال، بiر جاعىن ءدارiحانا ەتiپ سالعان، ۇل-قىزى دۇنيەگە كەلگەن اكەمنiڭ ءۇيi سول ءوزi كiرiپ-شىعىپ جۇرگەندەگiدەي ادەمi قالپىندا. ارادا بiرشاما ۇرپاق اۋىسقانمەن، بازارتوبە حالقى ءالi كۇنگە«باعىشتىڭ ءۇيi»، «باعىشتىڭ بولنيتساسى» دەيدi ەكەن.اكەم قىزمەت ەتكەن كەزدەگi قاراسيراق بالالار — بۇگiندە ەل اعاسى، قادiرمەندi اقساقالدار. حالىقتىڭ دەنساۋلىعىن ساقتاۋ جولىنداعى ب. بيسەنوۆتىڭ ەڭبەگi تۋرالى اتا-انالارىنىڭ اڭگiمەسiنەن قانىق بۇل كiسiلەر ۇلت بولاشاعىنا ءومiرiن ارناعان ازاماتتىڭ ەسiمiن ماڭگi ەستە قالدىرۋ شارالارىن جۇزەگە اسىرۋ كەرەكتiگi تۋرالى ويلارىن دا ورتاعا سالدى.

وسى ساپاردا قولىنان كەلگەن كومەگiن ايانباعان اتالعان اۋدانداردىڭ باسشىلارى شاپقات وتەمiسوۆ، امانتاي سالiموۆتەرگە، ءتۇر-تۇلعاسىن دا اجىراتا الماس ءسابي شاعىمدا ماڭگiگە ايرىلعان اكەم، حالقىنىڭ ادال ۇلى باقتىگەرەي بيسەنوۆتىڭ ەڭبەگiن وسكەلەڭ ۇرپاققا ءوز دارەجەسiندە جەتكiزۋ ماقساتىندا ءوزiم كەزدەسكەن ازاماتتاردىڭ بارلىعىنا دا شەكسiز ريزامىن. ادامدارمەن جۇمىس iستەيتiن، حالىققا قىزمەت كورسەتەتiن ورىندارداعى iرiلi-ۇساقتى لاۋازىم يەلەرi مەن قىزمەتكەرلەردiڭ ءبارi، شiركiن، وسى ازاماتتارداي سەزiمتال، سەرگەك، قاراپايىم بولسا كانە، — دەيدi روزا اپاي تەبiرەنە.

ءيا، تاريحىمىزدى پاراقتاۋ، زەردەلەپ-ساراپتاۋ — وتكەنگە باعا بەرۋ عانا ەمەس. ويتكەنi قۋعىن-سۇرگiنگە ۇشىراپ، اتىلىپ-اسىلعان ميلليونداردىڭ اراسىندا سiز بەن بiزدiڭ اتا-اجەلەرiمiز، اكەلەرiمiز بەن انالارىمىز، تۋعان-تۋىس، باۋىرلارىمىز بار. سوندىقتان، بۇل ەڭ الدىمەن اقيقاتتى ءتۇسiنۋ، سەزiنۋ ءۇشiن قاجەت. كiناسiزدi اقتاپ، ارىلۋ ءۇشiن قاجەت. كوزiمiزدi تۇسiرمەي تiك قاراۋ ءۇشiن، باسىمىزدى جوعارى كوتەرiپ ءجۇرۋ ءۇشiن قاجەت.

ال، روزا باقتىگەرەيقىزى سىندى اسىلدارىمىزدىڭ سىنىعى ارامىزدا جۇرگەندە، ەلiنiڭ ازاتتىعى، حالقىنىڭ جاقسى ءومiرi ءۇشiن جانىن قيعان ەرلەردiڭ ارۋاعىن قاستەرلەر تاۋەلسiز ەلi باردا ارىستارىمىزدىڭ ەسiمi مەن iسi وشپەيدi، ۇلتجاندىلىقتىڭ، باتىرلىقتىڭ، ازاماتتىق پەن ادالدىقتىڭ ونەگەسi بولىپ ۇرپاقتان ۇرپاققا جالعاسا بەرەدi.

رىمتاي ساعىنبەكوۆا

ۇقساس جاڭالىقتار

Back to top button