ءۇندىستاندا ەڭ بيىك ەسكەرتكىش بوي كوتەردى

ءۇندىستاندا ادامزات تاريحىنداعى ەڭ بيىك ەسكەرتكىش بوي كوتەردى. ءۇندىستان تاۋەلسىزدىگى جولىندا كۇرەسكەن قوعام قايراتكەرى ۆاللابحاي پاتەلگە نيۋ-يوركتەگى ايگىلى ازاتتىق مۇسىنىنەن ەكى ەسە بيىك ەسكەرتكىش ورناتىلىپ جاتىر، دەپ حابارلايدى قازاقپارات National Geographic-كە سىلتەمە جاساپ.

الىپ ءمۇسىن گۋدجارات شتاتىنداعى ۆاردودارا قالاسىنىڭ ماڭىندا، جاساندى كولدىڭ ورتاسىنان بوي كوتەردى. 2014 جىلى باستالعان قۇرىلىس جۇمىستارى اياقتالۋ قارساڭىندا. ول قازىرگى ەڭ بيىك ەسكەرتكىش – قىتايدىڭ حەنان پروۆينتسياسىنداعى 128 مەترلىك بۋددا مۇسىنىنەن 54 مەتر بيىك بولادى. ءمۇسىننىڭ ءوزى 182 مەتر، ال تۇعىرىمەن قوسقانداعى بيىكتىگى 240 مەترگە جەتەدى. وعان 5700 توننا بولات، 18500 توننا تەمىر ارماتۋرا، 75000 تەكشە مەتر بەتون جانە 22500 توننا قولا تاباق پايدالانىلدى.   قۇنى 320 ملن اقش دوللارىن قۇرايتىن جوبانى قولعا العان Michael Graves Architecture & Design كومپانياسى وكىلدەرىنىڭ ايتۋىنشا، قۇرىلىس جۇمىستارى ءۇزىلىسسىز جۇرگىزىلىپ، بيىل تاپسىرىلادى.

ۇقساس جاڭالىقتار

Back to top button