Қазақстанның барлық аймағында дабылды ескерту жарияланды

Қазақстанның барлық аймағында дабылды ескерту жарияланды

Қазақстанның барлық аймағында дабылды ескерту жарияланды
ашық дереккөзі
"Қазгидромет" РМК еліміздің барлық өңіріне алдағы үш күнге дабылды ескерту жариялады. 
Синоптиктердің мәліметінше, 19 наурызда күндіз Ақмола облысында жауын-шашын (қар, жаңбыр), көктайғақ болып, бұрқасындатады. Оңтүстік-батыстан соққан жел солтүстік-батысқа ауысады, түнде кей жерлерде күші 15-20 м/с, күндіз басым бөлігінді 15-20 м/с, екпіні 23-28 м/с жетеді. Астана қаласында 19 наурызда күндіз және таңертең жауын-шашын (қар, жаңбыр), көктайғақ болып, бұрқасындатады. Оңтүстік-батыстан соққан жел солтүстік-батысқа ауысады, күндіз және таңертең күші 15-20 м/с, екпіні 25 м/с жетеді. Дабылды ескертудің ықтималдылығы 90-95 %. 19-21 наурызда Батыс Қазақстан, Атырау, Ақтөбе облыстарында жауын-шашын (көбіне жаңбыр) мен ауа температурасының жылынуына байланысты қар еріп, су деңгейі көтерілуі мүмкін. 19-20 наурызда Қарағанды, Ақмола, Солтүстік Қазақстан, Қостанай және Павлодар облыстарында жауын-шашын (көбіне жаңбыр) мен ауа температурасының жылынуына байланысты қар еріп, су деңгейі көтерілуі мүмкін. 19-21 наурызда Шығыс Қазақстан облысында күндізгі ауа температурасы біртіндеп жылынып, жауын-шашын түсуіне байланысты (көбіне жаңбыр), мұздықтар әлсіреп, су өзен алқаптарына шығып кетуі ықтимал, жергілікті және беткейлі ағын қалыптасып, су деңгейі көтеріледі деп болжануда.
19-21 наурызда Оңтүстік Қазақстан, Қызылорда облыстарында жауын-шашын салдарынан (көбіне жаңбыр), су деңгейі көтеріліп, жайылмалы жерлерге су шығып кетуі мүмкін. 19-21 наурызда Алматы, Жамбыл облыстарында жауын-шашыннан (кей жерлерде) су деңгейі көтеріледі деп болжануда.