Көлік нөміріне Головкиннің есімін жаздырғысы келетіндер қанша төлейді?

Көлік нөміріне Головкиннің есімін жаздырғысы келетіндер қанша төлейді?

Көлік нөміріне Головкиннің есімін жаздырғысы келетіндер қанша төлейді?
ашық дереккөзі
Қазақстандық жүргізушілер арасында Геннадий Головкиннің аты-жөнінің бірінші әріптері белгіленген нөмірлерді сатып алуға ниеттілер көбейген. Қазір үш «GGG», «QQQ», «III» және үш «JJJ» әріптері бар нөмірлерге сұраныс тым көп екен. Құны аспандап тұрса да, сәнге айналған бұл серияны Алматы қаласында 78 адам сатып алыпты, деп хабарлайды Алматы арнасы. Жалпы, өткен жылы «VIP» нөмір алу үшін 1400-ден астам жүргізушіден өтініш түссе, биыл бұл көрсеткіш еселене түспек. Өйткені, тек 2 айдың ішінде 500-ден астам жүргізуші темір тұлпарына сәнді нөмір тағып үлгерген. Бұған, биылғы жылғы өзгерістер түрткі болған. Яғни, әркім әріптерді өзі қалаған күйінде жаздыра алуы, «VIP» нөмірлер саудасын қыздыра түскен. «Ең қымбат санымыз категориясына байланысты. 001-ден 009-ға дейін және де 777 бұл 548 мың теңге тұрады. Егер сіз бұған әріпті қосамын десеңіз, одан бөлек 137 мың 85 теңге әріп те қосылады. Бұл осы сандарға қатысты. Тағы да 070, 707, 077 деген сандар, бұлар 137 мың 85 теңге тұрады. Үш бірдей сан 111-ден бастап 999-ға дейін бұл 329 мың теңге болады», – деді Алматы қаласы мамандандырылған ХҚКО-ның маманы Сәкен Байғалиев.