اقش پحەنيانعا قارسى جاڭا سانكتسيالار ەنگىزدى

اقش سولتۇستىك كورەياعا قارسى جاڭا سانكتسيالارىن كۇشىنە ەنگىزدى. اقش قارجى مينيسترلىگى تاراتقان اقپاراتتا اقپاننىڭ 23-ءى كۇنى «قازىرگى ۋاقىتتاعى ەڭ اۋقىمدى» سانكتسيالار پاكەتى قابىلدانعانى ايتىلعان.

جاڭادان ەنگىزىلگەن شەكتەۋ شارالارى ەڭ الدىمەن سولتۇستىك كورەيانىڭ كەمە جانە ساۋدا كومپانيالارىنا قارسى باعىتتالعان. امەريكا اكىمشىلىگىنىڭ بۇل جولعى سانكتسياسى سولتۇستىك كورەيا، قىتاي، تايۆان، پاناما جانە تاعى بىرنەشە ەلدىڭ تۋى استىندا جۇرگەن «ء;بىر جەكە تۇلعا، 27 زاڭدى قۇرىلىم جانە 28 كەمەگە» قاتىستى قولدانىلادى.

اقش قارجى ءمينيسترى ستيۆەن ءمنۋچيننىڭ ايتۋىنشا، ۆاشينگتون الەم بويىنشا سولتۇستىك كورەيانىڭ مۇددەسىنە جۇمىس ىستەيتىن كومپانيالاردى قۋدالاپ، پحەنياننىڭ سانكتسيادان جالتارۋىنا بارلىق مۇمكىندىكتەرىنىڭ جولىن قياتىن بولادى. وسىنداي شارالار سولتۇستىك كورەياعا حالىقارالىق تەڭىز جولدارى ارقىلى كومىر مەن وتىندى زاڭسىز تاسىمالداۋمەن اينالىساتىن كومپانيالارعا دا قارسى قولدانىلماق.

ۇقساس جاڭالىقتار

Back to top button