Сапарбаев ауыл әкіміне: Қолыңыздан келмесе, мал бағыңыз!

Сапарбаев ауыл әкіміне: Қолыңыздан келмесе, мал бағыңыз!

Сапарбаев ауыл әкіміне: Қолыңыздан келмесе, мал бағыңыз!
ашық дереккөзі
Ақтөбе облысының былтырғы әлеуметтік-экономикалық көрсеткіштерін талдағанда өңір басшысы Бердібек Сапарбаев қолынан іс келмейтін шенеуніктерді сынға алды. Оның сөзінше, ауыл әкімдері мен мектеп директорлары өздігінен "хан" болып алған, деп жазады Aktobenews.kz. 
"Өмір бойы әкім боламын деп ойлайды. Әрдайым айтамын, бұл әкесінің сатып алған қызметі емес. Ал бізде көптеген ауыл әкімдері мен мектеп директорлары хан болып алған. Ауылды өзінің жеке меншігі, мектепті өзінің меншігі деп отыра береді. Қазір ұйықтап отыратын заман емес! Ол дәуір баяғыда өтіп кетті", — деді Сапарбаев жиналған шенеуніктерге. Содан кейін "Құлан" мен "Алтын асық" бағдарламаларын орындауда төмен көрсеткішке ие болған ауылдық округ әкімдері сөгіс естіді. "Қолыңыздан келмей ме? Бірден айтыңыз. Қолыңыздан келмесе, онда "басқа жұмысқа барайын" деп мал бағыңыз", — деді Бердібек Сапарбаев Байтурасай ауылдық округінің әкіміне.