استانا اۋەجايىندا 18 رەيس بوگەلىپ، 10 رەيس توقتاتىلدى

بۇگىن نۇرسۇلتان نازارباەۆ اتىنداعى حالىقارالىق اۋەجايعا ۇشىپ كەلەتىن جانە كەتەتىن 18 رەيس بوگەلدى، 10 رەيس ۋاقىتشا توقتاتىلدى. بۇل تۋرالى اۋەجاي سايتىنداعى حابارلاندى.

ونلاين-تابلو دەرەكتەرىنە سايكەس، قازىرگى ۋاقىتتا 5 اقپان كۇنى تاڭعى 5-كە دەيىن ۇشۋى ءتيىس رەيستەر اراسىندا اقتوبەدەن، الماتىدان، بانگكوك، شىمكەنت، جەزقازعان جانە تبليسيدەن كەلەتىن 10 اۋە رەيسى كەشىگۋدە.  الماتى مەن پەتروپاۆلدان كەلەتىن بەس رەيس توقتاتىلدى.

سونداي-اق، جەزقازعانعا، قوستانايعا، الماتىعا، لوندونعا، شىمكەنتكە، فرانكفۋرتكە ۇشۋى ءتيىس 8 رەيس بوگەلىپ جاتىر جانە پەتروپاۆل مەن الماتىعا ۇشاتىن بەس رەيس توقتاتىلدى. انىقتاما ءبولىمى بۇل بوگەلىستەردى ۇشاقتاردىڭ كەش كەلۋىمەن ءتۇسىندىردى، ال رەيستەردى توقتاتۋ تۋرالى شەشىمدى اۋە تاسىمالداۋشىلار قابىلداعان.

سونىمەن بىرگە، الماتى اۋەجايى 4 اقپان، ساعات 12-دە اينالانىڭ كورىنبەۋىنەن بىرقاتار رەيستەردىڭ كەشىگىپ جاتقانىن حابارلادى. «قازىرگى اۋا رايىندا اۋە جولى 600-1000 مەتر، تىگىنەن 40 مەتر عانا كورىنەدى. اۋەجاي جابىلعان جوق جانە حالىقارالىق ازاماتتىق اۆياتسيا ۇيىمىنىڭ ءىىى ساناتى بويىنشا جۇمىس ىستەپ تۇر. ۇشىپ كەلۋ جانە كەتۋ رەيستەرىنىڭ كەشىگۋىنە اۋە كەمەلەرى ەكيپاجىندا سايكەس رۇقساتنامالاردىڭ بولماۋى سەبەپ بولىپ وتىر.  ۇشۋ نەمەسە قونۋ تۋرالى شەشىمدى اۋە كەمەسىنىڭ كومانديرى اۋا رايى مەن رۇقساتناماعا سايكەس قابىلدايدى. شامامەن 13:00-دە اۋا رايى جاقسارادى دەپ بولجانۋدا»، – دەپ ءتۇسىندىردى ءباسپاسوز قىزمەتى.

 

ۇقساس جاڭالىقتار

Back to top button