اقش قازاقستانعا 30 ملرد دوللار ينۆەستيتسيا قۇيدى

امەريكا قۇراما شتاتتارى قازاقستانعا ينۆەستيتسيا سالۋدا الدىڭعى قاتارداعى مەملەكەتتەردىڭ ءبىرى. بۇل تۋرالى «تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ ايتتى، دەپ حابارلايدى قازاقپارات.

«پرەزيدەنتتىڭ بۇل جولعى ساپارىنىڭ باستى ماقساتى – امەريكا قۇراما شتاتتارىنىڭ جاڭا اكىمشىلىگىمەن سەنىمدى بايلانىس ورناتۋ بولىپ تابىلادى. كەزدەسۋ اقش پرەزيدەنتى دونالد ترامپتىڭ باستاماسىمەن بولاتىندىعىن ەرەكشە اتاپ ءوتۋ كەرەك. بۇل – پرەزيدەنت نۇرسۇلتان نازارباەۆتىڭ اقش-قا جەتىنشى ساپارى»، – دەيدى راحىم وشاقباەۆ قازاقستان پرەزيدەنتىنىڭ اقش-قا رەسمي ساپارىنا قاتىستى «قازاقپارات» حاا تىلشىسىنە بەرگەن پىكىرىندە.   ساراپشىنىڭ سوزىنە سۇيەنسەك، قازاقستاننىڭ اقش-پەن يادرولىق قارۋسىزداندىرۋ سالاسىندا ايتارلىقتاي جەمىستى قارىم-قاتىناس ورناتا ءبىلدى.

«ەگەر ەستەرىڭىزدە بولسا، امەريكالىق تاراپ قازاقستاننىڭ وڭىرلىك قاۋىپسىزدىك سالاسىنداعى جانە ەڭ الدىمەن اۋعانستانعا قاتىستى ۇستانىمىن ەرەكشە اتاپ وتكەن بولاتىن. اقش سونىمەن بىرگە، بىرىككەن ۇلتتار ۇيىمىنا توراعالىق ەتۋدە قازاقستاننىڭ ۇمىتكەرلىگىنە قولداۋ بىلدىرگەن. قازاقستاننىڭ ايماقتىق فورماتتا دا امەريكامەن ىنتىماقتاستىعى جاقسى جولعا قويىلعان»، – دەيدى ول. سونداي-اق راحىم وشاقباەۆ سونداي-اق، ەكى ەلدىڭ ەكونوميكا سالاسىنداعى بايلانىسىن اتاپ ءوتتى. «اقش قازاقستانعا قارجى قۇيىپ وتىرعان ءىرى ينۆەستورلاردىڭ ءبىرى. 2005 جىلدان بەرى اقش ءبىزدىڭ ەلگە 30 ميلليارد اقش دوللارىنا جۋىق ينۆەستيتسيا سالعان. قازاقستاندا 500-گە جۋىق امەريكالىق كومپانيا جۇمىس ىستەپ جاتىر. سوندىقتان، وسى ساپارداعى مىندەت – ەكى ەلدىڭ اراسىنداعى ستراتەگيالىق ىنتىماقتاستىقتى نىعايتۋ بولىپ تابىلادى»، – دەيدى ساراپشى.

ۇقساس جاڭالىقتار

Back to top button