Өзбекстанда жаңа төлқұжат 2019 жылы жарық көрмек

Өзбекстанда жаңа төлқұжат 2019 жылы жарық көрмек Өзбекстанда жаңа жеке куәлік пен төлқұжат 2019 жылы жарық көрмек. Өзбекстанда 2019 жылға қарай жалпыхалықтық төлқұжаттың орнына идентификациялық карталар (ID-карта) пайда болмақ. Өзбекстанда 2019 жылдың 1 қаңтарынан бастап жаңа шетелге шығу төлқұжаты енгізіледі. Ал идентификациялық карталарды мемлекет ішінде қолданады. ІІМ жанындағы Миграция және азаматтықты реттеу жөніндегі басқарма басшысының орынбасары, полковник Улугбек Ташходжаевтың сөздерінше, ID-карталарды енгізу әзірге қиындық туғызып жатыр. «Қазіргі кезде біз жаңа шетелге шығатын төлқұжат әзірлеп жатырмыз. Президенттің бұйрығы бойынша, 2019 жылдың 1-қаңтарында пайдалануға берілуі тиіс», –деп атап өтті ол брифингте. ІІМ өкілінің айтуынша, арнайы жұмыс тобы құрылған. Онда олар әзірге шетел тәжірибесін зерттеп жатыр.