"АИТВ" жаһандық қоры Қазақстанға 4,5 млн доллар бөледі

"АИТВ" жаһандық қоры Қазақстанға 4,5 млн доллар бөледі

ЖИТС-пен (СПИД), туберкулезбен және безгекпен күресу үшін Жаһандық қоры «АИТВ» (ВИЧ) компоненті бойынша Қазақстанға 2018-2020  жылдарға  4,5 млн АҚШ доллар грантын бөледі. Бұл туралы ҚР Денсаулық сақтау министрлігінің ресми сайтында жарияланды деп жазады Qazaqtimes. "Гранттың мақсаты - халықтың осал топтары мен АИТВ-мен өмір сүретін адамдардың күтім және көмек қызметтеріне қолжетімділігін арттыру үшін әлеуметтік келісім-шарт жүйесін институционализациялау арқылы Қазақстанда АИТВ-инфекциясының таралуына тұрақты ұлттық ықпал жасау", - делінген ведомство хабарламасында. Грант қаржыландыру механизмдерінің нормативтік-құқықтық базасын нығайтуға және негізгі осал топтар арасында ( инъекциялық есірткіні тұтынушылар, ерлермен жыныстық қатынасқа түсетін еркектер, секс-жұмыскерлер, үкіметтік емес ұйымдар үшін әлеуметтік тапсырыстарды орындау схемаларын қоса алғанда) АИТВ бойынша шараларды іске асыруға бағытталатын болады. Грант Астана, Алматы қалаларында және Қарағанды облыстарында жүзеге асырылады. Пилоттық аймақтарда грантты жүзеге асыру үкіметтік емес сектор арқылы қоғамдық тәртіпті жүзеге асыру арқылы осал топтар арасында алдын-алу бағдарламаларының тиімді үлгісін жасауға көмектеседі. Сондай-ақ,  министрліктің мәліметінше, бұл модель бүкіл ел бойынша жүзеге асырылатын болады, ол алдын алу жұмыстары мен негізгі топтарға қолжетімділікті күшейтеді.