Жаңа әліпби апострофсыз болуы мүмкін

Жаңа әліпби апострофсыз болуы мүмкін

Жаңа әліпбидегі апострофтар жойылуы мүмкін. Бұл туралы А.Байтұрсынов атындағы тіл білімі институтының директоры Ерден Қажыбек Sputnik Қазақстан агенттігіне берген сұхбатында айтты.  Қоғам мен мемлекет орфографиялық таңба қолайсыз деп тапса, бәрі мүмкін. Қажыбек жауап берген басты сұрақ: "Болашақта қазақ тілінің латын әліпбиі теория жүзінде ғана емес, тәжірибе жүзінде де апострофсыз қолданылуы мүмкін бе?" Қазақ тілін латын әліпбиіне көшіру бойынша жұмыс тобының басшысы Қажыбектің сөзіне сүйенсек, жақында бекітілген әліпбиді жетілдіру жұмысы аяқталған жоқ. Президент қол қойған жарлыққа қарамастан, әліпбидің қандай болатыны туралы нақты айтуға әлі ерте. Ғалымның айтуынша, әртүрлі нұсқалар ескерілетін болады, басты мақсат – латын әліпбиінің әрбір қазақстандыққа қолайлы болуы. Қазақ тілінің латын әліпбиіндегі апострофқа қатысты айтылған сыни пікірлер әліпбиді жасап шығарушы ғалымның құлағына жеткен көрінеді. Қазақ әліпбиі апострофсыз қолданылуы мүмкін бе деген сұраққа агенттікке сұхбат беруші төтесінен жауап берді: Теория жүзінде де, тәжірибе жүзінде де апострофсыз қолданылуы мүмкін, неге болмасқа? Біз ыңғайлы, қажетті әрі тиімді дүниені жүзеге асыруға толық құқығымыз бар".