Instagram қолданушыларға ыңғайсыз шектеуді алып тастады

Instagram қолданушыларға ыңғайсыз шектеуді алып тастады. Instagram желісі Instagram Stories-те фото мен видео жүктеудегі 24 сағаттық шектеуден бас тартты, - деп хабарлайды instagram-press.com. Енді әлеуметтік желі қолданушылары Instagram Stories-те бір апта ішінде түсірілген суреттер мен видеоларды жариялай алады. Сервис өкілдерінің айтуынша, бұл жаңашылдық қолданушыларға көбірек мүмкіндік береді. Сондай-ақ, бұл функцияның қосымшаның жаңартылған нұсқасында қолжетімді екені айтылады. Еске сала кетейік, Instagram қолданушылары осыған дейін бұрынғы суреттін скринін жасап, оны қайта сақтап болған соң ғана Stories-ке жүктеуші еді. Енді бұлай жасаудың қажеті болмайды.