بوزىمباەۆ پاۆلودار مۇناي زاۋىتىنىڭ باسشىسىن قاتاڭ سىنعا الدى

بوزىمباەۆ پاۆلودار مۇناي زاۋىتىنىڭ باسشىسىن قاتاڭ سىنعا الدى. استانادا قر ەنەرگەتيكا ءمينيسترى قانات بوزىمباەۆ شىمكەنت، پاۆلودار جانە اتىراۋ قالالارىنداعى مۇناي زاۋىتتارىنىڭ باسشىلارىمەن كەزدەسىپ، زاۋىتتارداعى جاڭعىرتۋ جۇمىسىمەن تانىستى، دەپ حابارلايدى «قازاقپارات» حاا ءتىلشىسى. 

ەنەرگەتيكا مينيسترىمەن كەزدەسۋدە پاۆلودار مۇناي-حيميا زاۋىتىنىڭ باس ديرەكتورى دانباي شۋحرات ەرتەڭگى كۇنى-اق زاۋىتتىڭ رەاكتورىنا شيكىزات قابىلداۋعا بولاتىنىن اتاپ ءوتتى. ونىڭ ايتۋىنشا، زاۋىتتاعى جاڭعىرتۋ جوباسى 100 پايىزعا اياقتالعان. قوسىمشا سۇراقتار ءۇشىن دە ۋاقىت كەرەك. مۇناي زاۋىتىنىڭ باسشىسىنىڭ سوزىنە سەنسەك، قازىرگى تاڭدا زاۋىت تاۋلىگىنە 2500 توننا بەنزين ءوندىرىپ جاتىر. كاتاليكالىق كرەكينگ ىسكە قوسىلعاننان كەيىن تاۋلىگىنە 4 مىڭ توننا بەنزين وندىرىلەتىن بولادى. دەسە دە، دانباي شۋحرات مۇناي زاۋىتىندا سۋتەگى قۇرىلعىسىنداعى تەحنيكالىق اقاۋلىققا بايلانىستى جۇمىستىڭ ءبىر بولىگى اقساپ تۇرعانىن ايتتى. «ءبىز بۇل ۋچاسكىنى ءوز كۇشىمىزبەن جوندەۋگە قاتىستى قاتەلىگىمىزدى مويىندايمىز. سۋتەگى قۇرىلعىسىنسىز جۇمىس ىستەۋ مۇمكىن ەمەس. مۇناي زاۋىتىنىڭ باسشىلىعى شەتەلدەن سۋتەگى قۇرىلعىسىنا تاپسىرىس بەرگەن. جەتكىزۋشى 9-10 جەلتوقسانعا دەيىن اتالعان قۇرىلعىنى جەتكىزۋگە ۋادە بەرىپ وتىر»، – دەيدى ول. ەنەرگەتيكا ءمينيسترى كاسىپورىن باسشىلىعى زاۋىتتى جاڭعىرتۋعا بايلانىستى ءتيىستى جۇمىستار اتقارماعانىن ءمالىم ەتتى. «مەن سىزگە 1 قاراشا كۇنى تاپسىرما بەردىم، ءسىز 8 قاراشادا زاۋىتتىڭ بىرقاتار قۇرىلعىسى ىسكە قوسىلاتىنىن ايتتىڭىز. بۇگىن 7 قاراشا. بۇگىن قۇرىلعىنىڭ 10 قاراشا ورناتىلاتىنىن ايتىپ وتىرسىز. بۇل دەگەنىڭىز نارىققا جولداعالى وتىرعان بەنزيننىڭ مولشەرى ازايادى دەگەن ءسوز. ول ارزان باعامەن رەسەيلىك بەنزيندى نارىقتان ىسىراتىن قازاقستاندىق بەنزين بولۋى كەرەك ەدى. ءسىز بۇل ماسەلەنى سوزعان سايىن ەل ءۇشىن قيىنعا تۇسە بەرەدى. مەنىڭشە، ماسەلەنى شەشپەسەڭىز، بۇل تۇرعىدا سىزبەن اڭگىمەنى جالعاستىرۋدىڭ دا ءمانى قالمايدى. ەكىنشى سۇراق: جوندەۋ جۇمىستارىن ساپاسىز جۇرگىزگەندىكتەن، ءسىزدىڭ زاۋىتىڭىزدا ايىنا 150 مىڭ توننا ەمەس، 25 مىڭ توننا ديزەلدىك وتىن وندىرىلەتىن بولادى. دەمەك، ءسىز بۇل ديزەلدى وتىندى يمپورتتاۋعا تۋرا كەلەدى. وسى سەبەپتى، مەنىڭشە، بۇل جۇمىستى تىعىرىققا تىرەدىڭىز دەپ ەسەپتەيمىن. ايىپتى تەحنيكادان كورۋ البەتتە تۇسىنىكتى. بىزدە بەنزين ماسەلەسى بار ەدى، بۇدان بىلاي بىزدە ديزەلدىك وتىنعا قاتىستى ماسەلە تۋىنداۋى ىقتيمال. سوندىقتان، ءسىزدىڭ تاراپىڭىزدان اتقارىلعان جۇمىسقا قاناعاتتاناتىنداي دارەجەدە ەمەس دەپ باعا بەرەمىن»، – دەدى قانات بوزىمباەۆ.

ۇقساس جاڭالىقتار

Back to top button