احمەت بايتۇرسىن ۇلىنىڭ تۋعان كۇنى قازاقستان حالقىنىڭ تىلدەرى كۇنى بولىپ بەكىتىلدى

احمەت بايتۇرسىن ۇلى ءومىر ەسىگىن اشقان قىركۇيەك ايىنىڭ بەسى -قازاقستان حالقى تىلدەرىنىڭ كۇنى بولىپ بەكىتىلدى. بۇل تۋرالى استاندا «جاڭا ءالىپبي – جاڭعىرۋ جولى» تاقىرىبىندا وتكەن ءباسپاسوز ءماسليحاتىندا ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ ءمالىم ەتتى، دە حابارلايدى قازاقپارات.

«قر پرەمەر-ءمينيستردىڭ قاۋلىسىمەن 5 قىركۇيەك، ياعني احمەت بايتۇرسىن ۇلىنىڭ تۋعان كۇنى – قازاقستان حالقى تىلدەرىنىڭ كۇنى بولىپ بەكىتىلدى. سول ءۇشىن بارلىقتارىڭىزدى قۇتتىقتاعىم كەلەدى. بۇرىن بۇل مەرەكە قىركۇيەك ايىنىڭ ءۇشىنشى جەكسەنبىسى بولاتىن. احاڭنىڭ ءبىراز قۇجاتتارىن اقتاردىق. بۇرىن احاڭ 1973 جىلى 29 قاڭتاردا دۇنيەگە كەلدى دەپ كەلگەن. ارحيفتەردى اقتارعاندا احاڭنىڭ ءوز قولىمەن جازعان ءۇش قۇجات تابىلدى. ۇشەۋىندە دە ول «بەسىنشى قىركۇيەك كۇنى تۋدىم» دەپ جازىلعان. ياعني، احمەت بايتۇرسىنوۆ 1872 جىلى 5 قىركۇيەكتە ءومىر ەسىگىن اشقان. وسىعان بايلانىستى مەكتەپتەگى وقۋلىقتاردىڭ بارلىعى تۇزەتىلىپ جاتىر. بيىل 145 جىلدىعى. كەلەسى جىلدان باستاپ 5 قىركۇيەك – قازاقستان حالقى تىلدەرىنىڭ كۇنى بولىپ اتالىپ وتەتىن بولادى»، – دەيدى ەربول تىلەشوۆ.

ايتا كەتسەك، استاناداعى ءوتىپ جاتقان شارادا قوعام قايراتكەرلەرى، لينگۆيست-عالىمدار، دەپۋتاتتار لاتىن الىپبيىنە كوشۋ ماسەلەلەسىن تالقىلاپ جاتىر.

 

Back to top button