قارجى ءمينيسترى Bank RBK-عا قاتىستى جاعدايعا تۇسىنىك بەردى

قارجى ءمينيسترى Bank RBK-عا قاتىستى جاعدايعا تۇسىنىك بەردى. قر قارجى ءمينيسترى باقىت سۇلتانوۆ Bank RBK- عا قاتىستى جاعدايعا تۇسىنىك بەردى، دەپ حابارلايدى قازاقپارات.

«ۇلتتىق بانكپەن ءتيىستى جۇمىستار جۇرگىزىلىپ جاتىر. بۇگىندە ۇكىمەت ءبىزدىڭ كۆازيمەملەكەتتىك سەكتورمەن، كاسىپورىندارمەن بىرلەسە پروبلەمانى شەشۋدە.  سوندىقتان دا ازىرگە قانداي دا ءبىر ناتيجەلەر جايىندا ايتۋ ەرتەرەك»، – دەدى مينيستر ماجىلىستە وتكەن ۇكىمەت ساعاتىندا. وتكەن اپتادا استانادا «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا «تۇتىنۋشىلار ۇلتتىق پالاتاسى» رقب پرەزيدەنتى سۆەتلانا رومانوۆسكايا سوڭعى كەزدەردە «Bank RBK» اق-عا قاتىستى احۋال قيىنداعانىن، ونىڭ سالدارىنان بانك كليەنتتەرىنە ءتيىستى دەڭگەيدە قىزمەت كورسەتىلمەي جاتقانىن اتاپ ءوتتى. ەلباسى نۇرسۇلتان نازارباەۆ اتالعان پروبلەمامەن جاقسى تانىس ەكەنىن جەتكىزدى. «بۇل ماسەلە نەگىزىنەن وزدەرىنىڭ ادامدارىن قارجىلاندىرۋ ءۇشىن اكتسيونەرلەر تاراپىنان جاسالعان ۇرلىققا قاتىستى. وسى تۇرعىدا اكتسيونەرلەردى ءتيىستى تارتىپكە كەلتىرەتىن بولامىز. ۇرىلار وزدەرىنە «لايىقتى جەردە» وتىرۋى كەرەك. ولاردى اقشانى قايتارۋعا ماجبۇرلەيمىز، ياعني وسى بانكتىڭ جۇمىسىن تۇراقتاندىرۋعا تىرىسامىز.

ۇقساس جاڭالىقتار

Back to top button