شىمكەنت اگلومەراتسيالىق ورتالىق رەتىندە داميدى

2030 جىلدارعا قاراي شىمكەنت قالاسى اگلومەراتسيالىق ورتالىق رەتىندە جان-جاقتى داميتىن بولادى، – دەپ حابارلايدى  24.kz ارناسى.

قازىرگى ۋاقىتتا وسى ماقساتتاعى وڭىرارالىق جوبا ازىرلەنىپ جاتىر. اگلومەراتسيا رەتىندە وڭتۇستىك قازاقستان وبلىسىنىڭ ورتالىعىنا ارىس قالاسى مەن ىرگەلەس 7 اۋداننىڭ بىرقاتار اۋماعى قوسىلادى.

قازىر بۇل ايماقتا 1،8 ميلليون ادام تۇرادى. ال 2030 جىلعا قاراي تۇرعىندار سانى 2،3 ميلليونعا جەتۋى ءتيىس. ىشكى ميگراتسيا تەك شىمكەنتكە قاراي باعىتتالماۋى ءۇشىن كونتماگنيت قالا رەتىندە اۋدان ورتالىقتارى دا تۇرعىندار ءۇشىن مەيلىنشە ىڭعايلى جاساقتالادى. شىمقالادا كولىك كەپتەلىسى بولماۋى ءۇشىن اينالما جولدار سالىنىپ، تەمىرجول ۆوكزالى قالانىڭ سىرت بولىگىنە ورنالاسادى. ازىرلەنىپ جاتقان جوبا جەلتوقسان ايىندا ۇكىمەتكە ۇسىنىلماق.

«اگلومەراتسيانىڭ تۇرعىن ءۇي قورى 30،6 ميلليوننان 59 ميلليون شارشى مەترگە دەيىن وسەدى. سول كەزدە ءار ادامعا 26 شارشى مەتردەن كەلەتىن بولادى. سوسىن بۇلدىرشىندەردى بالاباقشامان قامتۋ 100 پايىزعا جەتەدى دەپ جوسپارلانعان. ءۇش اۋىسىمدى مەكتەپتەر دە بولمايدى»، – دەيدى رەسپۋبليكالىق مەملەكەتتىك قالا قۇرىلىسىن جوسپارلاۋ جانە كاداستر ورتالىعىنىڭ باس ديرەكتورى تۇرلىبەك مۇساباەۆ.

ۇقساس جاڭالىقتار

Back to top button