شقو-دا كىسى ولتىرگەن ەكس-پوليتسەي 15 جىلعا سوتتالدى

سوت بۇرىنعى قۇقىق قورعاۋ قىزمەتكەرىن كىسى ءولتىردى جانە وكىلەتتىلىگىن اسىرا پايدالاندى دەپ تانىدى. بۇل تۋرالى YK-news.kz حابارلايدى.

شىعىس قازاقستان وبلىسىندا اۋىل تۇرعىنىن اتىپ ولتىرگەن پوليتسەي 15 جىل جانە التى ايعا باس بوستاندىعىنان ايىرىلدى. وسى جىلدىڭ ساۋىرىندە قۇقىق قورعاۋ ورگاندارىنىڭ بۇرىنعى قىزمەتكەرى اعاسىنا قارۋمەن شابۋىلداعان ادامداردى ءوزى جازالاۋعا شەشىم قابىلدايدى.

پوليتسەي اۋىل تۇرعىندارىنىڭ ءبىرىن اتىپ ءولتىرىپ، ەكەۋىن جاراقاتتاعان.  شقو پروكۋراتۋراسىنىڭ مالىمەتىنشە، ەكس-پوليتسەي كىسى ءولتىردى جانە قىزمەتتىك وكىلەتتىلىگىن اسىرا پايدالاندى دەپ تانىلدى.

ايتا كەتەيىك، پوليتسەي بۇعان دەيىن تەك جاقسى جاقتارىمەن كوزگە تۇسكەن، ال قازا بولعان ۇلكەن نارىن اۋىلىنىڭ تۇرعىنى قىلمىستىق جاۋاپكەرشىلىككە تارتىلعان. سوت ۇكىمى زاڭدى كۇشىنە ەنگەن جوق.

ۇقساس جاڭالىقتار

Back to top button