ءپۋتيننىڭ يرانعا ساپارىندا سيريا جانە مۇناي ماسەلەسى تالقىلانباق

رەسەي پرەزيدەنتى ۆلاديمير پۋتين 1 قاراشادا تەگەرانعا جاسايتىن ساپارىندا يران پرەزيدەنتى حاسسان روۋحانيمەن جانە رۋحاني كوسەمى اياتوللا ءالي حامەنەيمەن كەزدەسەدى. كرەملدىڭ حابارلاۋىنشا، كەزدەسۋدە سيرياداعى داعدارىس جانە ەنەرگەتيكا سالاسىنداعى ىنتىماقتاس ماسەلەلەرى تالقىلانباق.

كرەملدىڭ ءباسپاسوز حاتشىسى دميتري پەسكوۆ 31 قازاندا وتكەن ءباسپاسوز كونفەرەنتسياسىندا «كەلىسسوز كۇن تارتىبىندە سيريا ماسەلەسى تۇراتىنىن» حابارلادى.

رەسەي مەن يران سيرياداعى التى جىلدان اسقان سوعىستا سيريا پرەزيدەنتى باشار اساد ۇكىمەتىن قولدايدى. ال تۇركيا مەن اقش ءتۇرلى كوتەرلىسشىل توپتارعا قولداۋ كورسەتەدى.

پەسكوۆ پۋتين يرانعا جۇمىس ساپارىندا حاسسان روۋحانيمەن جانە ازەربايجان پرەزيدەنتى يلحام اليەۆپەنۇش جاقتى كەلىسسوز وتكىزەتىنىن دە ايتتى. وتكەن جىلى اليەۆتىڭ ۇسىنىسىمەن باكۋدە وسىنداي ءۇش جاقتى كەزدەسۋ وتكەن.

ۇقساس جاڭالىقتار

Back to top button