ەلىمىزدە اقىلى جولدار جۇيەسى قاشان ەنگىزىلەدى؟

قازاقستاندا زياتكەرلىك كولىكتىك جۇيەسى قۇرىلۋدا. بۇل جايىندا ۇكىمەت وتىرىسىندا ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات.

«كولىك تاسقىندارىن باسقارۋدىڭ تيىمدىلىگىن، تاسىمالداۋدىڭ قاۋىپسىزدىگىن كۇشەيتۋ، سونداي-اق قوزعالىستىڭ جىلدامدىعىن ارتتىرۋ ءۇشىن قازىرگى ۋاقىتتا مينيسترلىكپەن اۆياتاسىمالداۋ، جول قۇرىلىسى جانە كولىك سالاسىندا بىرنەشە جۇيەلەردى قۇرۋ بويىنشا بەلسەندى جۇمىس جۇرگىزىلۋدە. وسى ءۇشىن كەزەڭ-كەزەڭمەن ەندىرىلەتىن 11 كومپونەنتتەن تۇراتىن زياتكەرلىك كولىكتىك جۇيەسى (زكج) قۇرىلۋدا»، – دەپ توقتالدى مينيستر.

وسى ورايدا ءبىرىنشى كومپونەنت نەگىزگى كولىك دالىزدەرىندە ورناتىلاتىن ارنايى اۆتوماتتاندىرىلعان ولشەۋ قۇرالدارىنا ارنالعان. «بۇدان باسقا، اۆتوجولداردى پايدالانۋ ءۇشىن قاراجاتتاردى جيناقتاۋدى اۆتوماتتاندىرۋ بويىنشا تەحنيكالىق شەشىمدەر كەشەنى قۇرىلۋدا. وزدەرىڭىزگە بەلگىلى، اتالعان جۇيە 2013 جىلدان بەرى استانا-ششۋچە ۋچاسكەسىندە ويداعىداي قىزمەت ەتۋدە جانە جىل سايىن 1،2 ملرد تەڭگە قارجى جيناقتالادى، ول اتالعان جولدى كۇتىپ-ۇستاۋعا كەتەتىن بارلىق شىعىنداردى وتەيدى. بيىل جىل سايىنعى قاراجات جيناقتالۋى 3،9 ملرد تەڭگەنى قۇرايتىن جالپى ۇزاقتىعى 469 شاقىرىمدىق  «الماتى-تەمىرتاۋ»، «الماتى-قاپشاعاي» جانە «الماتى-قورعاس» ۋچاسكەلەرىندە تولەماقى الۋ جۇيەسىن ەنگىزۋ بويىنشا جۇمىستار اتقارىلۋدا.

سونىمەن قاتار، جالپى ۇزاقتىعى 5،5 مىڭ شاقىرىمدىق 13 ۋچاسكەدە تولەماقى الۋ جۇيەسىن جوبالاۋ بويىنشا جۇمىستار اياقتالۋدا. جالپى، 2020 جىلعا دەيىن تولەماقى الۋ جۇيەسىن 16 ۋچاسكەدە ەنگىزۋ جوسپارلانۋدا»، – دەدى مينيستر. بەلگىلى بولعانداي، جولدارداعى جاعدايدان جۇرگىزۋشىلەردى اقپاراتتاندىرۋعا مۇمكىندىك بەرەتىن جول قوزعالىسىن باسقارۋ جۇيەسى، اۆتوجولدار جانىندا مەتەوبەكەت جەلىسى ارقىلى كليماتتىق جاعدايلاردى بولجاۋ مەن تالداۋ جۇيەسى، بەينە-مونيتورينگ جانە ججە بۇزۋشىلىعىن انىقتاۋ جۇيەسى (بەينە جانە فوتوانىقتاۋ ءۇشىن كامەرالار جەلىسى) مەن باسقا دا قاجەتتى قادامداردى قامتيتىن وزگە كومپونەنتتەردى جۇزەگە اسىرۋ 2018-2022 جىلدار ارالىعىندا كەزەڭ-كەزەڭمەن ەنگىزىلەتىن بولادى.

 

ۇقساس جاڭالىقتار

Back to top button