قازاقستان قىتايمەن بىرلەسىپ كوركەم فيلم تۇسىرەدى

بۇگىن ورتالىق كوممۋنيكاتسيالار قىزمەتىندە «QAZAQSTAN» رترك» اق-نىڭ ۇيىمداستىرۋىمەن ءباسپاسوز ءماسليحاتى ءوتتى، دەپ حابارلايدى كورپوراتسيانىڭ ءباسپاسوز قىزمەتى.

شارا بارىسىندا «QAZAQSTAN» تەلەراديوكورپوراتسياسى مەن «سستV-7» تەلەارناسى ءوزارا ارىپتەستىك تۋرالى مەموراندۋمعا قول قويدى. مەموراندۋم اياسىندا ەكى جاق بىرلەسىپ كوركەم تۋىندى ءتۇسىرۋ جايلى كەلىسىمگە كەلدى. بۇل قازاقستاندىق جانە قىتايلىق تەلەۆيزيانىڭ بىرلەسە وتىرىپ تۇسىرەتىن تۇڭعىش كينوجوباسى بولماق.

شارانىڭ ماقساتى – تەلەۆيزيا سالاسىندا ەكى ەل اراسىنداعى مادەني بايلانىستى دامىتۋ. وقيعا قازاقتىڭ مەملەكەتتىك كونسەرۆاتورياسىن بىتىرگەن، قازاقتىڭ ونەرلى جىگىتتەرى ايدار مەن پاراساتتىڭ تاعدىرى جايلى. فيلم تۇتاستاي قازاق حالقىنىڭ تۇرمىس-سالتىنا، ادەپ-عۇرپىنا، قازاقى قارىم-قاتىناسقا ارنالعان.

فيلم رەجيسسەرى جاڭ بو: «بۇل فيلم ناعىز ماحاببات پەن شىنايى دوستىق جايلى. سونداي-اق، كەيىپكەرلەر ارقىلى قازاقتىڭ ەرتەدەن كەلە جاتقان ءان-بي ونەرىن تولىعىمەن قامتيدى. قازاق حالقىنا دەگەن قۇرمەتىمدى وسى فيلم ارقىلى جەتكىزگىم كەلەدى. بۇل كينوجوبا قىتاي مەن قازاقستان حالىقتارىنىڭ دوستىعىن نىعايتۋمەن قاتار، كينو ونەرىنىڭ جارقىن تۋىندىسى بولاتىنىنا سەنەمىن»، – دەدى.

رەجيسسەر جاڭ بو مىرزا قازاقتار قونىستانعان شىڭجاڭ ولكەسىندە دۇنيەگە كەلگەن، جاستايىنان قازاقتىڭ ءان-كۇيىنە قانىعىپ وسكەن ازامات. بولاشاق كينوتۋىندى تەك شىڭجاڭ ولكەسىندە عانا ەمەس، استانا مەن الماتى قالالارىندا تۇسىرىلەتىن بولادى. اكتەرلەر مەن ءتۇسىرىلىم ورىندارىن تاڭداۋعا، وندىرىستىك جانە شىعارماشىلىق جۇمىستاردى كورپوراتسيا قىزمەتكەرلەرى قىتايلىق ارىپتەستەرمەن بىرىگىپ جاسايدى. سونداي-اق، وسى اپتادا كورپوراتسيا باستى رولدەردى سومدايتىن كەيىپكەرلەرگە كاستينگ جاريالادى، ازىرگە 100-دەن استام ءوتىنىش كەلىپ ءتۇستى. فيلمگە جۇمسالاتىن قاراجات قىتايلىقتاردىڭ تاراپىنان بولماق. كينوجوبا قازاقتىڭ ونەرىن شەتەلدەردە ناسيحاتتاپ قانا قويماي، ميللياردتاعان كورەرمەنگە جول تارتادى.

 

Back to top button