توعىزقۇمالاق: الەم ۇزدىكتەرى انىقتالدى

 

توعىزقۇمالاقتان ءىV الەم چەمپيوناتى استانادا ءوز مارەسىنە جەتتى. الەمنىڭ 25 ەلىنەن كەلگەن 70-تەن استام سپورتشى ءوز شەبەرلىكتەرىن كورسەتىپ، كورەرمەندەردى ءتانتى ەتتى. ەسكپو-2017 كورمەسى اياسىندا وتكەن حالىقارالىق ءتۋرنيردى دۇنيەجۇزىلىك توعىزقۇمالاق فەدەراتسياسى، قر مادەنيەت جانە سپورت مينيسترلىگى جانە استانا قالاسى اكىمدىگى ۇيىمداستىردى.

ايتۋلى دوداعا اقش، انتيگۋا مەن باربۋدا،   اۋعانستان، ازەربايجان، گەرمانيا، گرۋزيا، كولۋمبيا، قازاقستان، قىرعىزستان، قىتاي، مونعوليا، وزبەكستان،  رەسەي، سيريا، تاجىكستان، تۇركيا، تۇركىمەنستان، ءۇندىستان، ۇلىبريتانيا، چەحيا، شۆەيتساريا سياقتى مەملەكەتتەردەن، ياعني، الەمنىڭ ءتورت قۇرلىعىنان سپورتشىلار قاتىستى. اۆستريا، كامەرۋن، پولشا جانە ۋكراينا سپورتشىلارى تۇڭعىش رەت توعىزقۇمالاقتان الەمدىك ارەنادا سايىسقا ءتۇستى.

جارىستىڭ جابىلۋ سالتاناتىندا دۇنيەجۇزىلىك توعىزقۇمالاق فەدەراتسياسىنىڭ پرەزيدەنتى ءاليحان بايمەنوۆ پەن قر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ جىلى لەبىزدەرىن ءبىلدىردى. قاتىسۋشالر الدىندا ءسوز العان ءاليحان بايمەنوۆ: «ءبىز ءۇشىن كەز كەلگەن حالىق­ارالىق تۋرنيردە تەك جەڭىمپازداردى انىقتاۋ عانا ەمەس، ۇلتتىق زياتكەرلىك ويىنىمىزدىڭ الەمگە تارالۋى ءارى ناسيحاتتالۋى، جاڭا دەڭگەيگە كوتەرىلۋى دە ماڭىزدى»، – دەپ باسا ايتتى.

چەمپيونات ەرلەر جانە ايەلدەر اراسىندا جەكە-جەكە توعىزقۇمالاقتىڭ كلاسسيكا، راپيد، بليتس تۇرلەرى بويىنشا ءوتتى. العاش رەت وسى چەمپيوناتتا توعىزقۇمالاقتان جۇپتىق كوماندالىق جارىس بولادى. وعان ءار مەملەكەتتەن 1 ەر، 1 ايەل ادام قاتىستى. زياتكەرلىك «جەكپە-جەكتەر» ناتيجەسىندە قازاقستان، قىرعىزستان جانە موڭعوليا سپورتشىلارى جەڭىس تۇعىرىنان كورىندى.

سونىمەن قاتار، 6 تامىزدا وتكەن فەدەراتسيا جيىنىندا توعىزقۇمالاقتىڭ الەمدە تارالۋ اياسىن كەڭەيتۋ، ادىستەمەلىك، اقپاراتتىق، ۇيىمداستىرۋ ماسەلەلەرى تالقىلانىپ، كادرلىق شەشىمدەر قابىلداندى. اتاپ ايتساق، دۇنيەجۇزىلىك توعىزقۇمالاق فەدەراتسياسى پرەزيدەنتى لاۋازىمىنا – ءاليحان بايمەنوۆ، ۆيتسە-پرەزيدەنت لاۋازىمدارىنا –  پروفەسسور جان رەشيتسكي ( شۆەيتساريا)، راۋف وزگەن ( تۇركيا)، اسىلxان ساكەي (مونعوليا)، داستان قاپاەۆ (قازاقستان)، ال باس xاتشىلىققا – ماقسات شوتاەۆ سايلاندى.

ال توعىزقۇمالاقتان كەلەسى V الەم چەمپيوناتى 2019 جىلى تۇركيادا، ەۋروپا چەمپيوناتى  2018 جىلى فرانتسيادا، ال ازيا چەمپيوناتى 2018 جىلى موڭعوليادا وتەتىن بولدى.

 

 

ۇقساس جاڭالىقتار

Back to top button