ورالدا ويىن-ساۋىق كلۋبى ورتەندى

ورالدا جايىق وزەنىنە جاقىن ورنالاسقان «شالە» اتتى ويىن-ساۋىق كلۋبى وتقا وراندى، دەپ حابارلايدى 24.kz. 

وقىس وقيعا تۋرالى حابارلاما ءورت ءسوندىرۋ قىزمەتىنە كۇندىز ساعات 13:40 شاماسىندا تۇسكەن. الايدا جانۋ جاعدايى بۇدان ءبىراز ۋاقىت بۇرىن باستالعان. اپاتتى اۋىزدىقتاۋعا توتەنشە جاعداي دەپارتامەنتىنە قاراستى قالالىق ءورت ءسوندىرۋ جاساعىنىڭ جەكە قۇرامى تولىقتاي جانە گازبەن قامتۋ قىزمەتىنىڭ ماماندارى جۇمىلدىرىلدى.

كۋاگەرلەردىڭ ايتۋىنشا، ءورت كەزىندە گاز باللونى جارىلعان. وقيعانىڭ نەگىزگى سەبەپكەرى دە وسى گاز باللونى بولۋى مۇمكىن. كۇشتى جەلدىڭ سالدارىنان ءورت اۋماعى تەز ۇلعايىپ، عيمارات تۇگەل ورتەنىپ كەتتى. ابىروي بولعاندا ادامدار امان. قازىر جەدەل قۇرىلعان ارنايى تەرگەۋ توبى وقيعانىڭ سەبەپتەرىن انىقتاۋعا كىرىستى.

ۇقساس جاڭالىقتار

Back to top button