تەڭگە نىعايا ءتۇستى

ۇلتتىق ۆاليۋتانىڭ 1 اقش دوللارىنا قاتىستى ورتاشا باعامى قازاقستان قور بيرجاسىنداعى (KASE) سارسەنبى كۇنگى ساۋدا-ساتتىقتىڭ تاڭعى سەسسياسىندا 332،49 تەڭگەنى قۇرادى.

سەيسەنبى كۇنگى ساۋدا-ساتتىققا قاراعاندا، دوللار باعامى 2،95 تەڭگەگە ارزانداعان. سەسسيا بارىسىندا ەڭ تومەنگى باعام 1 دوللارعا 331،94 تەڭگە دەڭگەيىندە بولسا، ەڭ جوعارى باعام 333،5 تەڭگەنى كورسەتكەن.

ساۋدا كولەمى 120،75 ملن دوللار بولدى. ايتا كەتەيىك، سەيسەنبى كۇنى دوللاردىڭ باعامى تاڭعى سەسسيا قورىتىندىلارى بويىنشا 1 دوللارعا 335،44 تەڭگە، كۇندىزگى سەسسيادا 334،73 تەڭگە، ەكى سەسسيانىڭ قورىتىندىلارى بويىنشا 334،94 تەڭگە بولعان.

 

ۇقساس جاڭالىقتار

Back to top button