اتىراۋلىق پوليتسەي قىزمەتتىك كولىكپەن 2 ادامدى قاعىپ كەتتى

اتىراۋ وبلىسى ماقات اۋىلىندا ۋچاسكەلىك ينسپەكتور قىزمەتتىك كولىكپەن بەلگىلەنبەگەن جەردەن جولدى كەسىپ ءوتىپ بارا جاتقان ەكى ادامدى قاعىپ كەتتى دەپ جازادى وڭىرلىك «موي گورود» باسىلىمى.

اپات 22 قازانعا قاراعان ءتۇنى بولدى. پوليتسەي جۇمىستان ۇيىنە قايتىپ كەلە جاتقان.

«زارداپ شەككەندەر اۋداندىق اۋرۋحاناعا جەتكىزىلدى، ولاردىڭ جاعدايى تۇراقتى. كولىك قاعىپ كەتكەن ادامدار – 30 جانە 31 جاستاعى جەرگىلىكتى تۇرعىندار»، — دەدى اتىراۋ وبلىسى ىشكى ىستەر دەپارتامەنتىنىڭ ءباسپاسوز قىزمەتىندەگىلەر.

بۇل فاكتى بويىنشا قىلمىستىق كودەكستىڭ 345-بابى بويىنشا سوتقا دەيىنگى تەرگەۋ باستالدى. ىشكى قىزمەتتىك تەكسەرىس جۇرگىزىلۋدە، بىرقاتار ساراپتاما تاعايىندالدى.

ۇقساس جاڭالىقتار

Back to top button