قۇلسارى كوشەcىندە تىر جالاڭاش سەرۋەندەگەن ادامنىڭ كىم ەكەنى انىقتالدى

اتىراۋ وبلىسىنىڭ قۇلسارى قالاسىندا تىر جالاڭاش سەرۋەندەپ جۇرگەن ازامات تەڭىزدىڭ 30 جاستاعى سانتەحنيگى بولىپ شىقتى، دەپ حابارلايدى قازاقپارات.

سەنبى كۇنى قالا ىشىندە تىر-جالاڭاش سەرۋەندەپ جۇرگەن ەر ادامنىڭ ۆيدەوسى ينتەرنەتتى شارلاپ كەتكەن بولاتىن. اشۋلانعان جۇرت ونى لەزدە تاۋىپ، جازاعا تارتۋ كەرەكتىگىن ايتىپ جاتتى.

«ول باتىس قازاقستاننىڭ تۇرعىنى، جاسى 30-دا. تەڭىزدەگى كومپانيالاردىڭ بىرىندە سانتەحنيك بولىپ جۇمىس ىستەيدى. قالانىڭ ورتاسىندا جالاڭاش جۇرگەندە ول ماس بولعان. قر «اكىمشىلىك قۇقىقبۇزۋشىلىقتار تۋرالى» كودەكسىنىڭ 440-بابى بويىنشا سوتقا دەيىنگى تەرگەپ-تەكسەرۋ ءجۇرىپ جاتىر. تەرگەۋ امالدارى اياقتالعان سوڭ ءىس سوتقا جىبەرىلەدى. قوعامدىق ءتارتىپتى بۇزعانى ءۇشىن وعان ايىپپۇل نەمەسە قاماۋ جازاسى بەلگىلەنۋى مۇمكىن»، – دەپ مالىمدەدى اتىراۋ ءىىد ءباسپاسوز قىزمەتىندەگىلەر.

 

ۇقساس جاڭالىقتار

Back to top button