ەۇۋ قازاقستان بويىنشا تاعى دا كوش باستادى!

كيبەرنەتيكا زەرتحاناسى (Cybermetics) يسپانيا ۇلتتىق زەرتتەۋ كەڭەسiنiڭ اقپارات جانە قۇجاتتاما ورتالىعىنىڭ رەسمي ۆەب-رەسۋرسىندا Webometrics ءبىلىم بەرۋ سايتتارىنىڭ رەيتينگىسىندە ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاقستان بويىنشا العاشقى ورىندى يەلەنىپ، الەمدەگى 30 000-نان استام جوو اراسىنان 1 895 ورىن، ال قازاقستان جوو اراسىنان 1-ورىن العاندىعى بەلگىلى بولدى.

Webometrics رەيتينگىسى ۋنيۆەرسيتەت جاريالايتىن ۆەب-بەتتەردiڭ كولەمىمەن، كورنەكiلiك جانە اسەرىمەن (تيiمدiلiك) ولشەنەدi، ۋنيۆەرسيتەتتەگى عالامتور جەلىسىندەگى عىلىمي جاريالانىمدار، ءار جوو عالىمدارىنىڭ زەرتتەۋ ەڭبەكتەرى، ولارعا جاسالعان سىلتەمە ەسكەرىلىپ، باستى نىساناعا جوو-نىڭ عىلىمي-زەرتتەۋ الەۋەتى الىنادى. وتاندىق جانە شەتەلدىك جوو-لارمەن، عىلىم-ءبىلىم بەرۋ ۇيىمدارىمەن تىعىز ىنتىماقتاستىق ەتۋدىڭ ارقاسىندا ەۋرازيا ۇلتتىق ۋنيۆەرسيتەتى قازاقستاندىق جوو-لار اراسىندا جاسالىناتىن سىلتەمەلەردىڭ ۆەب-دومەندەر سانى بويىنشا كوش باستادى.

رەسپۋبليكامىز بويىنشا ەكىنشى ورىندى ءال-فارابي اتىنداعى قازاق ۇلتتىق ۋنيۆەرسيتەتى ( الەم بويىنشا 2 447 ورىن)، ءۇشىنشى ورىندى ق.ي. ساتباەۆ  اتىنداعى قازاق  ۇلتتتىق تەحنيكالىق زەرتتەۋ ۋنيۆەرسيتەتى (4500 ورىن)، ءتورتىنشى ورىندى C.اسفەندياروۆ اتىنداعى قازاق ۇلتتىق ۋنيۆەرسيتەتى (5 214 ورىن) يەلەنسە، ال بەسىنشى ورىندا نازارباەۆ ۋنيۆەرسيتەتى (5 277 ورىن) تۇراقتادى.

 

جادىرا  جاقسىتاي

ۇقساس جاڭالىقتار

Back to top button