باتىرحاننىڭ جەكە كۋالىگىن جويماعاندار جازالانادى

مارقۇم بولعان ءانشى باتىرحان شۇكەنوۆتىڭ جەكە كۋالىگىن جويماعان ادامدار سالعىرتتىققا قاتىستى جاۋاپقا تارتىلۋى مۇمكىن. بۇل تۋرالى قر ءىىم مەملەكەتتىك ءتىل جانە اقپارات دەپارتامەنتىنىڭ باسشىسى الماس سادۋباەۆ مالىمدەدى. 

باق اقپاراتى بويىنشا ينتەرنەتتە باتىرحان شۇكەنوۆتىڭ جەكە كۋالىگىن مىڭ دوللارعا ساتۋ تۋرالى حابارلاندىرۋ جاريالانعان.

«زاڭناماعا سايكەس جەكە تۇلعانى كۋالاندىراتىن جارامسىز دەپ تانىلعان قۇجاتتار، جاڭاسىنا اۋىستىرىلعان كەزدە مىندەتتى تۇردە جويىلۋى كەرەك. ب.ك. شۇكەنوۆتىڭ قۇجاتتارىن جويۋ تۋرالى مالىمەت بازاعا تىركەلمەگەن»، — دەپ مالىمدەدى سادۋباەۆ.

ونىڭ ايتۋىنشا، شۇكەنوۆتىڭ قۇجاتتارىن اۋىستىرۋ كەزىندە تۇرعىنداردى تىركەۋ جانە قۇجاتتاندىرۋ ءىسىن ادىلەت مينيسترلىگىنىڭ قۇزىرىندا بولعان.
قىلمىستىق ءىس الماتى قالاسى بويىنشا مەملەكەتتىك قىزمەت ءىسى جانە سىبايلاس جەمقورلىققا قارسى اگەنتتىككە بەرىلدى.

 

ۇقساس جاڭالىقتار

Back to top button