مەديتسينالىق ساقتاندىرۋ

بۇگىن ەڭبەك نارىعىندا جۇمىس بەرۋشىلەردىڭ ءبىر بولىگى عانا بىلىكتىلىگى جوعارى مامانداردى تارتۋعا باسىمدىلىق رەتىندە قولدانا وتىرىپ، ءوز جۇمىسكەرلەرىنە تولىق الەۋمەتتىك پاكەتتى، ونىڭ ىشىندە مەديتسينالىق ساقتاندىرۋدى ۇسىنا الادى. مىندەتتى ساقتاندىرۋ ەنگىزۋ ارقىلى اتالعان الەۋمەتتىك پاكەت ەڭبەك نارىعىنىڭ بارلىق قاتىسۋشىلارىنا قولجەتىمدى جانە امبەباپ ارتىقشىلىق بولادى، ول كادرلىق ماسەلەلەردى شەشۋدى جەڭىلدەتەدى.

مىسالى، ەكونوميكاسى دامىعان، ەڭبەك ءوندىرىسى جوعارى دەڭگەيلى ەلدەردە (فرانتسيا، گەرمانيا، كورەيا، جاپونيا) مىندەتتى مەديتسينالىق ساقتاندىرۋ ۇلگىسى ارتىقشىلىق تانىتتى. ويتكەنى بۇل ۇلگى شىعىنداردى ازايتۋ، ءونىمنىڭ ءوسۋى جانە كاسىپورىننىڭ تابىسىن ارتتىرۋ ارقىلى بيزنەس ءۇشىن داۋسىز ەكونوميكالىق پايدانى قامتاماسىز ەتەدى.

مەديتسينالىق ساقتاندىرۋدى ەنگىزۋدىڭ نەگىزگى پايداسى جۇمىسكەرلەردىڭ ۋاقىتشا جۇمىسقا جارامسىزدىعىنا بايلانىستى وندىرىستەگى شىعىنداردى ازايتۋ.

وسىلايشا، جىل سايىن 2،6 ملن. استام قىزمەتكەر ۋاقىتشا ەڭبەككە جارامسىزدىعىنا بايلانىستى ەڭبەككە جارامسىزدىق پاراعىن راسىمدەيدى. ەگەر كۇن سايىن ورتا ەسەپپەن ءاربىر قىزمەتكەر 12،6 مىڭ تەڭگەگە ءونىم (نەمەسە قىزمەت كورسەتۋدى) شىعاراتىن بولسا، وندا جۇمىس بەرۋشىلەردىڭ جىل سايىنعى شىعىنى شامامەن 370 ملرد. تەڭگەنى قۇرايدى.

ەڭ جاقسى كلينيكالاردا ۋاقتىلى پروفيلاكتيكالىق قاراپ-تەكسەرۋدەن ءوتۋ، ساپالى ەم جانە قىمبات تۇراتىن ارنايى كومەك قابىلداۋ جۇمىس ىستەيتىن ازاماتتاردىڭ دەنساۋلىعىن ساقتاۋعا، ولاردىڭ ۋاقىتشا ەڭبەككە جارامسىزدىق كۇندەرىن قىسقارتۋعا جانە وسىنىڭ ناتيجەسىندە جۇمىس بەرۋشىنىڭ شىعىندارىن ازايتۋعا مۇمكىندىك بەرەدى.

سۇراق: – مەديتسينالىق ساقتاندىرۋ جۇيەسىنە تولەنەتىن سالىمداردىڭ كولەمى قانداي بولۋعا ءتيىس؟

جاۋاپ: – ەگەر ءسىز جۇمىس بەرۋشى بولساڭىز، وندا ءسىز اي سايىن قورعا – 2017 جىلعى 1 شىلدەدەن باستاپ ءسىزدىڭ قىزمەتكەرلەرىڭىزدىڭ ەڭبەكاقى قورىنان – 1%، 2018 جىلى – 1،5%، 2019 جىلى – 1،5%، 2020 جىلى – 2%، 2020 جىلدان – 3% ساقتاندىرۋ اۋدارىمدارىن جۇرگىزەتىن بولاسىز. قايتا ۇيلەستىرۋ سومالارى كورپوراتيۆتىك تابىس سالىعىنان شەگەرۋگە جاتقىزىلادى.

سونىمەن بىرگە، اي سايىن قىزمەتكەردىڭ ناقتى ەڭبەكاقىسىنان 2019 جىلى – 1%، ال 2020 جىلى – 2% ۇستاپ قالىپ، قورعا اۋدارۋ قاجەت. قايتا ۇيلەستىرۋ سومالارى جەكە تابىس سالىعىنان (جتس) شەگەرۋگە جاتقىزىلادى. سونىمەن قاتار اۋدارىمداردى/جارنالاردى ەسەپتەۋ ءۇشىن قابىلداناتىن ايلىق تابىس مينيمالدى ەڭبەكاقىنىڭ 15-ەسەلىك كولەمىنەن اسپاۋى كەرەك (2016 جىلى – 342 885 تەڭگە).

ساقتاندىرۋ اۋدارىمدارى مەن جارنالار قورعا مىناداي تابىس تۇرلەرىنەن تولەنبەيدى:

قىزمەتتىك ىسساپارلارعا كومپەنساتسيالاردان جانە قوسالقى سيپاتتاعى جۇمىستان;

قىزمەتكەرلەردىڭ ەگىستىك جۇمىستارىنان;

بيۋدجەت قاراجاتىنان قىزمەتكەرلەردى جەتكىزۋگە، وقۋعا اقى تولەۋگە، جاردەماقى جانە كومپەنساتسياعا بايلانىستى شىعىنداردان;

ساۋىقتىرۋعا ارنالعان جاردەماقى مەن دەمالىس جاردەماقىسىنان، مەديتسينالىق قىزمەتتەرگە اقى تولەۋ، بالا تۋ كەزىندەگى، مينيمالدى جالاقى شەڭبەرىنە جەرلەۋگە بەرىلگەن تولەمدەردەن;

ستيپەنديادان;

ساقتاندىرۋ سىياقىلارىنان.

– جۇمىس بەرۋشى ءۇشىن ءمامس-قا اۋدارىمدار تەتىگى قانداي بولادى؟

– جۇمىس بەرۋشى ءوز بەتىنشە اي سايىن، مىندەتتى الەۋمەتتىك ساقتاندىرۋ تۋرالى زاڭمەن ورناتىلعان مولشەرلەمە بويىنشا جۇمىسشىنىڭ تابىسىنان اۋدارىمداردى ەكىنشى دەڭگەيدەگى بانكتەر ارقىلى شەگەرەدى جانە اۋدارادى.

– 2019 جىلى تابىس سالىعىن ەسەپتەۋ كەزىندە جۇمىسكەرلەردىڭ جارنالارى شەگەرۋگە جاتقىزىلا ما؟

– مىندەتتى ساقتاندىرۋعا سالىمدار جەكە تابىس سالىعى بويىنشا شەگەرۋگە جاتقىزىلادى، وسىلايشا، سالىق سالىناتىن نەگىز جارنالاردىڭ سوماسىنا ازايتىلادى.

– جەكە كاسىپكەرلەر، شارۋا قوجالىعىنىڭ جۇمىسكەرلەرى، بازارداعى ساتۋشىلار جارنالاردى قالاي تولەيدى؟

– جارنالاردى ەسەپتەۋ جانە تولەۋ كەلەسى تارتىپپەن جۇرەدى:

– جەكە كاسىپكەرلەر مەن زاڭدى تۇلعالار، جەكە نوتاريۋستەر، جەكە سوت ورىنداۋشىلارى، ادۆوكاتتار مەن كاسىبي مەدياتورلار ءۇشىن – 2017 جىلدىڭ 1 شىلدەسىنەن 2 تومەنگى جالاقى كولەمىنەن كەم دەگەندە 5 پايىز، تابىس تۇسكەن ايدان كەيىنگى ايدىڭ 25-ىنەن كەشىكتىرىلمەۋى ءتيىس;

– ناتيجەسىز ەڭبەك ەتەتىن تۇرعىندار، سونىڭ ىشىندە «تۇرعىنداردى جۇمىسپەن قامتۋ تۋرالى» قر زاڭىنا سايكەس ءوز-ءوزىن جۇمىسپەن قامتيتىندار ء(وز بەتىنشە تاۋار وندىرۋشىلەر، جۇمىس ىستەيتىندەر، قىزمەت كورسەتەتىندەر) 2018 جىلدىڭ 1 قاڭتارىنان باستاپ ەڭ تومەنگى ءبىر جالاقى مولشەرىنەن 5 پايىز كولەمىندە جارنا تولەي باستايدى.

شارۋا قوجالىقتارىنىڭ جۇمىسكەرلەرىنە قورعا جارنانى جۇمىس بەرۋشى، ياعني شارۋا قوجالىقتارىنىڭ قوجايىندارى تولەيدى. ەگەر ساۋداگەر جالدامالى جۇمىسكەر بولسا (بازارداعى ساۋداگەرلەر)، وندا تولەمدەر مەن جارنالار جۇمىس بەرۋشى اۋدارعان تابىستان ۇستالادى.

 

 

ۇقساس جاڭالىقتار

Back to top button